Adnan Alija zgjidhet Kryetar i Lidhjes Shqiptare në Gazi Babë - Lajm i Ri
Adnan Alija zgjidhet Kryetar i Degës së Lidhjes Shqiptare në Gazi Babë Në një Kuvend Zgjedhor me pjesëmarje të madhe në bastionin e Lidhjes Shqiptare, Degën e Gazi Babës, u zgjodhën organet drejtuese të degës. Adnan Alija u emërua Kryetar...
Adnan Alija zgjidhet Kryetar i Degës së Lidhjes Shqiptare në Gazi Babë
Në një Kuvend Zgjedhor me pjesëmarje të madhe në bastionin e Lidhjes Shqiptare, Degën e Gazi Babës, u zgjodhën organet drejtuese të degës. Adnan Alija u emërua Kryetar i Degës me mbështetje unanime të kuvendarëve.
Në deklaratën e partisë, Adnan Alija theksoi se Komuna e Gazi Babës përballon sfida serioze, por rezistenca kombëtare është më e fuqishme se kurrë. Ai falenderoi bashkëveprimtarët për besimin dhe bashkëpunimin e deritanishëm dhe i ftuar për një angazhim më të madh në periudhën në vijim. “Radhët e Lidhjes Shqiptare në këtë komunë janë shtuar në vazhdimësi dhe kjo e bën subjektin më të fuqishëm në nivel lokal,” theksoi Adnan Alija.
Kryetari i Lidhjes Shqiptare, Ziadin Sela, në fjalën e tij, u përqendrua në goditjet politike dhe juridike që kjo Qeveri i bën të drejtave shqiptare. Ziadin Sela theksoi se një shtet unitar nuk mund të jetë pa dygjuhësi në të gjithë territorin e vendit.
Kryetari Sela vuri në dukje edhe problemet lokale të shqiptarëve në Komunën e Gazi Babës, duke theksuar mohimin e të drejtës së arsimit në Gjuhën Shqipe në Idrizovë. “Lidhja Shqiptare kundërshton ashpër shitjen e interesave kombëtare dhe të drejtave të fëmijëve për interesa personale e grupore,” theksoi Ziadin Sela.
Në këtë rast, anëtarë të Kryesisë Qëndrore të Lidhjes Shqiptare theksuan se prezenca në vendbanimet ku Lidhja ka korrur fitore është një kenaqësi e veçantë.
Me pak fjalë
Kuvendi Zgjedhor i Degës së Gazi Babës u mbajt me pjesëmarje të madhe dhe zgjodhi organet drejtuese me mbështetje unanime. Adnan Alija u emërua Kryetar i Degës, ndërsa Ziadin Sela theksoi nevojën e dygjuhësisë dhe kundërshtoi goditjet ndaj të drejtave shqiptare.
Personat e përmendur
Burimi i lajmit: ina-online.net
Shënim: Ky material është përpunuar për qëllime informimi nga Portali Kosova.Today.