Biznesmeni i njohur shqiptar merret i pandehur për pastrim parash!

Arbër Abazi është marrë i pandehur për pastrim parash, në kuadër të hetimeve që lidhen me ish-zëvendëskryeministren Belinda Balluku. Ai dyshohet se ka financuar ndërtimin e vilës së Ballukut në Palasë.

Gjatë ditës së sotme pritet të paraqiten në Prokurorinë e Posaçme 15 persona të tjerë të marrë të pandehur në kuadër të së njëjtës çështje.

Gjatë paraqitjes në SPAK, personave nën hetim do t’u komunikohet përfundimi i hetimeve. E njëjta procedurë pritet të vijojë edhe ditën e nesërme, kur do të paraqiten të pandehurit e tjerë.

Arbër Abazi po hetohet veçmas për dyshimet mbi financimin e ndërtimit të vilës në Palasë, ndërsa hetimet për çështjen më të gjerë vijojnë.

Burimi i lajmit: ina-online.net
Shënim: Ky material është përpunuar për qëllime informimi nga Portali Kosova.Today.