Home / BOTA

BOTA

BOTA

Bojkohtohet mësimi

Francën e ka kapluar disa trazira. Qindra nxënës dhe studentë francezë bojkotuan mësimin të premten për të demonstruar në bulevardet e Parisit, duke kërkuar masa urgjente kundër ngrohjes globale dhe ndryshimeve klimatike. Të mbledhur për të dytën javë radhazi, adoleshentëve nga vende të ndryshme të Europës iu bashkua këtë radhë nismëtarja e lëvizjes edhe 16-vjeçarja Greta Thunberg. Vetëm një ditë më parë, e reja me origjinë suedeze, e cila është kthyer në një simbol të aktivizmit për klimën, mbajti një fjalim disa minutësh përpara liderëve politikë dhe të biznesit në Bruksel, ku denoncoi “lëmshin” mjedisor të krijuar nga mosveprimet e tyre. “Shumica e njerëzve me të cilët flas nuk kanë as diturinë më të pakët rreth krizës klimatike që na kanoset, dhe kjo është absurde. Nuk pret koha që ne të rritemi dhe të marrim në dorë të ardhmen. Secili prej nesh duhet të kontribuojë, përndryshe nuk do të vlejë asnjë arritje historike apo progresi i qytetërimit tonë, dhe ju si liderë politikë do ..

Read More »

Dëshironi të jetoni në Kanada, tani është momenti të niseni!

Te gjithë ata që dëshirojnë t’ia mësyjnë Kanadasë, e kanë rastin tani. Kanadaja ka hapur dyert për të mirëpritur rreth 1 milion emigrantë në harkun kohor 2019-2022. Sikurse raportojnë mediet kanadeze parlamenti ka njoftuar se do të shtohen 1 milion banorë të përhershëm në këtë periudhë, çka do të përbëjë 1% të popullsisë. Kjo nuk është hera e parë që shteti kanadez mirëpret emigrantë nga vendet e tjera. Në vitin 2017 popullsia u shtua me 286 mijë banorë të përhershëm. Në 2018 ishte parashikuar një shifër prej 350 mijë banorësh, e cila më pas në 2020 pritet të shkojë në 360 mijë, shkruan Opinion. Ky fluks emigrantësh do të rrisë fuqinë e punës. Kjo lloj nisme është marrë edhe nga shumë vende të tjera perëndimore.

Read More »

DASH i bën thirrje opozitës në Shqipëri të mos dorëzojë mandatet

Deputetët e opozitës në Shqipëri kanë dorëzuar mandatet e tyre. Departamenti amerikan i Shtetit i bën thirrje opozitës në Shqipëri të mos i dorëzojë në masë mandatet dhe të dënojë publikisht dhunën e ushtruar gjatë protestave. Një zëdhënës i Departamentit të Shtetit i tha Zërit të Amerikës se Zv/Ndihmës Sekretari i Shtetit për Evropën Matthew Palmer ka zhvilluar mbrëmë dy biseda të veçanta telefonike me kryetarin e Partisë Demokratike Lulzim Basha dhe me kryetaren e Lëvizjes Socialiste për Integrim, Monika Kryemadhi. Sipas zëdhënësit të Departamentit të Shtetit, zoti Palmer u bëri thirrje të dy udhëheqësve të opozitës të qëndrojnë të angazhuar në mënyrë konstruktive në proceset demokratike, duke theksuar rolin jetik, që partitë e opozitës duhet të luajnë në një shoqëri demokratike. Diplomati i lartë amerikan, siç u shpreh zëdhënësi për Zërin e Amerikës, “i këshilloi” dy kryetarët e partive “kundër dorëheqjeve të koordinuara dhe në masë të deputetëve të opozitës nga parlamenti, pas..

Read More »

Protestuesit nisen drejt Kuvendit, veprimi i Edi Ramës i papritur

Po vazhdon protesta e opozitës në Shqipëri. Në përfundim të fjalës së tij, lideri i demokratëve Lulzim Basha i ka thirrur protestuesit që ta ndjekin atë dhe deputetët e opozitës deri në kryesinë e kuvendit të Shqipërisë, për të dorëzuar zyrtarisht mandatet e tyre si deputetë. Por në kohën kur Basha bënte thirrjen, Rama ndodhej pikërisht në kryesinë e kuvendit, në një takim me kryeparlamentarin Gramoz Ruçi. Me drejtimin e protestuesve, Rama ka vendosur të largohet nga godina e kryesisë së kuvendit, e cila po ashtu është rrethuar me tela me gjemba në brendësi të saj. Rama eshte drejtuar ne zyren e tij ne kryeministri.

Read More »

Protesta e opozitës, mijëra qytetarë nisen drejt Tiranës

Opozita në Shqipëri sot do ta mbajë protestën e ardhës. Me mijëra persona janë nisur këtë mëngjes drejt kryeqytetit për të marrë pjesë në protestën e opozitës së bashkuar. Në Shkodër sipas degës së PD në qytet, janë më shumë se 4000 mijë protestues që udhëtuan në drejtim të Tiranës. Sipas kryetarit të PD atje, Xhevdet Amuli, shumica e tyre janë nisur më mjetë private pasi autobusëve i është bërë presion duke u marrë lejen e drejtimit si dhe gjobitur. Nga Lezha raportohet për 5 autobusë dhe dhjetëra automjete private të nisura. Në Berat, Korçë, Vlorë, Elbasan, e Gjirokastër janë nisur dhjetëra autobusë dhe automjete private siç na raportojnë korrespondentet tanë. /Tch

Read More »

Lulzim Basha bën thirrje për djegien e mandateve

Lulzim Basha ka thënë se sot opozita bën realitet djegien e mandateve para një regjimi ushtarak. Pak minuta para nisjes së protestës së opozitës, lideri i demokratëve LulziMm Basha është shprehur se këtë të enjte do të bëhet realitet “djegia” e mandateve të opozitës si dhe do të protestohet në një parlament të rrethuar me gjemba. Basha e cilësoi rrethimin si atë që bën një regjim ushtarak dhe se nuk është e largët dita që qeveria e Ramës të bjerë për t’ju hapur rruga zgjedhjeve të lira e të ndershme përmes një qeverie tranzitore. Basha: Ne e dimë dhe ju e dini që policia e shtetit përbëhet nga burra e gra të keqpaguar… është dita e parë kur mandatet i kthehen popullit, ato mandate të panjollosura nga krimi i organizuar. Ne sot do të dorëzojmë mandatet dhe po sot do të protestojmë në parlament, një parlament i mbuluar me tela me gjemba si një rregjim ushtarak. Mandatet do të digjen sot, Parlamenti ka mbyllur dyert dhe qeveria për sot është larguar, ne përmes bashkimit qytetar do të..

Read More »

Opozita proteston në Shqipëri, policia paralajmëron skenarë të rrëzikshëm

Sot në Tiranë do të mbahet protesta e radhës e paralajmëruar nga opozita. Dje deputetët e PD-së kanë nisur t’i dorëzojnë mandatet e deputetit. Ndërsa, Policia e Shqipërisë ka njoftuar se nga informacionet e mbledhura nga shërbimet përkatëse, ka të dhëna për nxitje të dhunës dhe organizime me natyrë kri-minale. “Synohet hyrja me forcë në sallën e Parlamentit, duke ushtruar dhunë mbi personelin që ka detyrimin ligjor të sigurojë mbrojtjen e institucionit themelor të demokracisë. Për të parandaluar çdo mundësi të tillë, Policia e Shtetit, u bën apel në radhë në radhë të parë organizatorëve që të distancohen hapur nga dhuna dhe të bëjnë thirrje për respektimin e ligjit nga çdo protestues. Po ashtu Policia e Shtetit u bën apel të gjithë atyre që duan të ushtrojnë nesër lirinë e tubimit dhe të drejtën e protestës, që të mos përfshihen në asnjë rast e për asnjë arsye në veprime të dënueshme ligjërisht”, thuhet në njoftimin e Policisë.

Read More »

Dimri ende nuk ka përfunduar, këto vende të alarmuara nga stuhia e borës

Shtetet e Bashkuara të Amerikës po përballen nga një stuhi e madhe e borës. Janë më shumë se 200 milionë persona të përfshira nga veriu deri në Miduest dhe bregun lindor të vendit. Më shumë se 1 200 fluturime janë anuluar sipas faqes në interent që i dedikohet udhëtimeve me avion “FlightAëare”. Pas qyteteve si Çikago dhe Detroit, dëbora ka mbërritur edhe në Uashington dhe pritet që në orët në vijim të prekë edhe Nju-Jorkun, duke rrezikuar që të shkaktojë kaos në orët e pikut. Në Nju Xhersi, guvernatori Phil Murphy ka shpallur gjendjen e jashtëzakonshme. Në Filadelfia shkollat janë mbyllur. Ekziston rreziku që me temperaturat e ulëta dëbora të shndërrohet në akull duke i bërë të rrezikshme zhvendosjet.

Read More »

Jep dorëheqje kreu i Kuvendit

Ka dhënë dorëheqje kreu i Kuvendit në Turqi, krahu i djathtë i Erdoganit Kreu i parlamentit të Turqisë, Binali Yildirim ka dhënë dorëheqjen. Ai njihet si krahu i djathtë i presidentit turk Recep Tayyip Erdogan, që prej vitit 1990. Mësohet se dorëheqja e tij ka ardhur pasi zyrtari i lartë do të kandidojë në zgjedhjet e 31 marsit për postin e kryetarit të Bashkisë së Stambollit. Lajmin e ka bërë të ditur vetë Yildirim, i cili në një darkë lamtumire tha: “Gjëja e parë që do të bëj pas kësaj darke do të jetë dorëzimi i dorëheqjes në Asamblenë e Përgjithshme Kombëtare. Nesër në orën 09:00 të mëngjesit, do ia dorëzoj postin Celal Adanit, si deputeti më i vjetër në parlament.” Parlamenti turk pritet të zgjedhë drejtuesin e ri të dielën e 24 Shkurtit. Nën efektet e një situate të vështirë ekonomike, Yildirim do të përfaqësojë Partinë për Drejtësi dhe Zhvillim të presidentit Erdogan në zgjedhjet e 31 marsit për Bashkinë e Stambollit.

Read More »

Bie orteku, zë disa skitarë

Një ortek i borës ka zënë disa skitarë në Alpet Zvicerane. Policia ziverane ka njoftuar se disa skitarë janë ngujuar nga një ortek bore në Alpet Zvicerane pranë hotelit “Crans-Montana”. Një gazetë lokale ka raportuar se në borë janë bllokuar 10 deri 12 skitarë. Sidoqoftë, kryetari i këtij rajoni, Nicolas Feraud, nuk ka pranuar të flasë për numrin e skitarëve të ngujuar. Besohet se orteku është shkaktuar nga rritja e temperaturave gjatë javës së kaluar, e cila ka shkaktuar shkrirje të shpejtë të borës. Për fat të mirë, rrëshqitjet e borës kanë ndodhur gjatë kohës kur nxënësit janë ende në pushime dimërore. “Një ortek është shembur në rajonin Plaine-Morte. Ekipet e shpëtimit janë në vendin e ngjarjes. Disa njerëz janë ngujuar”, thuhet në njoftimin e policisë. Dëshmitarët kanë thënë se në vendin e ngjarjes janë dy helikopterë të ekipeve të shpëtimit, shkruan ‘Reuters’, transmeton gazeta express. Në këtë vend është planifikuar mbajtja e Kampionatit Botëror të Skijimit për femra.

Read More »