Policia kërkon ndihmën e qytetarëve për lokalizimin e një të dyshuari për vjedhje të rëndë në Pejë

Drejtoria Rajonale e Policisë në Pejë ka kërkuar bashkëpunimin e qytetarëve për lokalizimin dhe arrestimin e një personi të dyshuar për veprën penale “Vjedhje e rëndë”.

Me autorizim të Prokurorisë Themelore në Pejë, Policia ka publikuar fotografinë dhe të dhënat e të dyshuarit, duke kërkuar nga qytetarët që nëse kanë informacione për vendndodhjen e tij, t’i ndajnë ato me organet e rendit.

Qytetarët që kanë informacione mund të kontaktojnë Policinë në numrat 192 dhe 0800 19999, pa pagesë, ose në numrin e Drejtorisë Rajonale në Pejë: 039 432 327.

Po ashtu, informacionet mund të raportohen në stacionin më të afërt policor.

Burimi i lajmit: orainfo.net
Shënim: Ky material është përpunuar për qëllime informimi nga Portali Kosova.Today.