Protesta studentore në Tiranë në ditën e 15-të, protestuesit mblidhen para Kryeministrisë

Në Tiranë po zhvillohet dita e 15-të e protestës, ku studentët dhe qytetarët janë mbledhur fillimisht para Ministrisë së Arsimit dhe më pas kanë vijuar marshimin duke u pozicionuar tashmë para Kryeministrisë.

Protestuesit kërkojnë dorëheqjen e kryeministrit Edi Rama, ndërkohë ky i fundit ka deklaruar se nuk jep dorëheqje dhe se mbetet i hapur për dialog. Protestuesit kanë refuzuar thirrjet për bisedime, duke djegur edhe karriget e vendosura për dialog. Gjithashtu, sot në shenjë revolte dogjën kartona dhe kosha mbeturinash para Ministrisë së Arsimit.

Gjatë ditëve të fundit ka pasur tensione, hedhje gurësh, përdorim të gazit lotsjellës dhe ujë nga policia për shpërndarjen e turmës, si dhe shoqërime personash.

The post Protesta studentore në Tiranë në ditën e 15-të, protestuesit mblidhen para Kryeministrisë appeared first on Euronews Albania.

Burimi i lajmit: euronews.al
Shënim: Ky material është përpunuar për qëllime informimi nga Portali Kosova.Today.