Zvicër: 18-vjeçari përplaset me Tesla në dy pemë

Një aksident trafiku ka ndodhur të martën pasdite në rrugën Gennersbrunnerstrasse, në Dörflingen të kantonit Schaffhausen, ku një 18-vjeçar humbi kontrollin mbi veturën e tij Tesla dhe u përplas me një pemë.

Pas goditjes së parë, vetura u hodh në anën tjetër të rrugës, ku u përplas edhe me një pemë tjetër dhe u rrokullis, njofton Policia e Schaffhausenit.

Drejtuesi i veturës pësoi lëndime, shkalla e të cilave nuk është bërë e ditur, dhe u transportua në spital. Vetura pësoi dëme tërësore, ndërsa rruga u mbyll për disa orë për shkak të aksidentit dhe punimeve për largimin e automjetit./Albinfo.ch

The post Zvicër: 18-vjeçari përplaset me Tesla në dy pemë appeared first on Albinfo.

Burimi i lajmit: albinfo.ch
Shënim: Ky material është përpunuar për qëllime informimi nga Portali Kosova.Today.