Abdixhiku thotë se nuk e ka problem nëse Osmani i prin listës së LDK-së: E dua partinë më shumë se veten
Abdixhiku thotë se nuk e ka problem nëse Osmani i prin listës së LDK-së: E dua partinë më shumë se veten
Kreu i Lidhjes Demokratike të Kosovës, Lumir Abdixhiku ka thënë se nuk e ka problem nëse mbetet numri dy në listën e kësaj partie, nëse vendi shkon në zgjedhje.
Ai i bëri këto deklarata në Debat Plus, duke folur për mundësinë që Vjosa Osmani t’i prijë kësaj liste.
‘S’e kam asnjë problem për këtë, për bashkim të LDK-së, unë vërtetë e du LDK-në ma shumë se vetën. Kam me bë çmos për bashkimin, absolutisht asnjë pengesë (nëse Osmani i prin listës)”, tha ai.
Mes tjerash, Abdixhiku tha:
“Me Vjosën kam një vision të përbashkët për shumë gjëra. Nuk po flas në aspekt personal si njerëz se njihemi moti, kemi ndryshuar në 5 vitet e fundit, s’jemi më të njëjtit si para 5 viteve, por sa herë jemi takuar kemi pasur një komunikim të hapur e të sinqertë për vendin.
Kritika kam pas edhe unë, i kam thënë në disa raste, dhe besoj që kemi mundur të parandalojmë disa procese që kanë thyer demokracinë, porn ë raste të tjera duhet të shtroj mbështetjen e plotë për përfaqësime ndërkombëtare që pak kush mund t’i arrij, e që besoj se na duhet shumë si vend.
Çdo diskutim tani duket më shumë si kalkulim elektoral, por unë kam nis bashkimin e të djathtës brenda LDK-së. Patjetër që Vjosa Osmani është pjesë thelbësore e një bashkëpunimi të tillë”.
Burimi i lajmit:ina-online.net
Shënim: Ky material është marrë nga burime publike në internet dhe është përpunuar për qëllime informimi nga Portali Kosova.Today.Portali nuk mban përgjegjësi për përmbajtjen origjinale të publikuar nga burimi. Nëse keni ankesa apo kërkesa për heqje materiali, ju lutem na kontaktoni në facebook/KosovaToday Faleminderit për mirëkuptimin.
