Adnan Rrustemi: Mërgata me entuziazëm për vazhdimin e Qeverisë Kurti 3

Kandidati për deputet nga radhët e Lëvizjes Vetëvendosje, Adnan Rrustemi, ka deklaruar se mërgata po shfaq mbështetje të madhe për vazhdimin e qeverisjes me Qeverinë Kurti 3.

Ai tha se gjatë vizitës së mbrëmshme në Püttlingen të Gjermanisë, bashkatdhetarët u shfaqën të vendosur dhe plot shpresë për vijimin e asaj që e quajti qeverisje të mirë.

Rrustemi shtoi se me shumicën e tyre është dakorduar të takohen sërish në Kosovë më 28 dhjetor, duke nënvizuar gatishmërinë e mërgimtarëve për të kontribuar në proceset demokratike të vendit. Ai falënderoi mërgatën për mbështetjen e vazhdueshme dhe angazhimin e tyre.