JETA

Autoriteti Kombëtar i Ushqimit jep alarmin për sallamin në Conad: Mos e konsumoni

Kosova.Today ·

Autoriteti Kombëtar i Ushqimit (AKU) u ka bërë thirrje konsumatorëve që kanë blerë një lloj sallami të mos e konsumojnë dhe ta kthejnë pranë pikave të shitjes, pasi sistemi europian i alarmit për ushqimin dhe ushqimin për kafshë (RASFF) ka...

Autoriteti Kombëtar i Ushqimit (AKU) u ka bërë thirrje konsumatorëve që kanë blerë një lloj sallami të mos e konsumojnë dhe ta kthejnë pranë pikave të shitjes, pasi sistemi europian i alarmit për ushqimin dhe ushqimin për kafshë (RASFF) ka raportuar praninë e një trupi të huaj në produkt.

Sipas njoftimit të AKU-së, bëhet fjalë për sallamin “SALAME GALBANETTO G230 c.a” (Sallam Galbanetto), i njoftuar nga autoritetet italiane si produkt me nivel serioz rreziku për shëndetin.

Të dhënat e produktit të njoftuar janë:

Emri: SALAME GALBANETTO G230 c.a (Sallam Galbanetto)

LOT: L.264173

Data e skadencës: 23/10/2026

Numri i referencës: 12364615

Referenca RASFF: 2026.7652

Kategoria: Mish dhe nënprodukte

Shteti njoftues: Itali

Niveli i riskut: Serioz

Paketues/eksportues: Conad

Importues: Conad Albania

Alarmi është aktivizuar pas evidentimit të pranisë së një trupi të huaj në produkt, çka ka çuar në njoftimin përmes sistemit RASFF.

AKU u bën thirrje të gjithë konsumatorëve që e kanë blerë këtë produkt dhe e kanë ende në posedim që të mos e konsumojnë dhe ta kthejnë pranë pikave të shitjes.

Autoritetet kanë publikuar të dhënat identifikuese të produktit për të mundësuar verifikimin e tij nga konsumatorët dhe shmangien e çdo rreziku të mundshëm për shëndetin.


Burimi i lajmit: orainfo.net
Shënim: Ky material është përpunuar për qëllime informimi nga Portali Kosova.Today.

Lexo në faqen e plotë
Të ngjashme

Ai punon në Mercedes…

13.11.2026

Shtohen vjedhjet në Zvicër, policia jep këshilla për mbrojtjen e banesave

13.11.2026

Stuhi dhe reshje të dendura shiu në Evropë, moti i paqëndrueshëm pritet të përfshijë edhe Zvicrën

16.11.2026

Qyteti i Cyrihut, me paga minimale prej 23.90 frangash në orë nga 1 janari 2027

12.11.2026