Dje kanë nisur tarifat e kalimit në autostradën e re në Shqipëri, ja sa kushtojnë
Nga 4 janari, në autostradën Thumanë-Kashar ka hyrë në fuqi aplikimi i tarifës për kalim teksa ky është segmenti i parë i kategorisë “A” në Shqipëri, ndërtuar dhe mirëmbajtur nga kompania koncesionare “Gener 2”. Pas një periudhe 6-mujore kalimi pa pagesë, kompania njoftoi në dhjetor vendosjen e tarifave për përdoruesit e kësaj infrastrukture moderne 21 […] The post Dje kanë nisur tarifat e kalimit në autostradën e re në Shqipëri, ja sa kushtojnë appeared first on Albinfo.
Nga 4 janari, në autostradën Thumanë-Kashar ka hyrë në fuqi aplikimi i tarifës për kalim teksa ky është segmenti i parë i kategorisë “A” në Shqipëri, ndërtuar dhe mirëmbajtur nga kompania koncesionare “Gener 2”.
Pas një periudhe 6-mujore kalimi pa pagesë, kompania njoftoi në dhjetor vendosjen e tarifave për përdoruesit e kësaj infrastrukture moderne 21 kilometra të gjatë, transmeton albinfo.ch.
Tarifat janë:
Motoçikletat me cilindratë mbi 250 cc: 170 lekë. Automjetet: 250 lekë ose 2.5 euro. Kamionët, autobusët dhe mjetet mbi 2.2 metra lartësi: 620 lekë. Mjetet me 4 ose më shumë akse: 870 lekë ose 8.8 euro.Autostrada Thumanë-Kashar, pjesë e “Korridorit Blu”, u hap për qarkullim në qershor të vitit të kaluar dhe përmbush standardet e Bashkimit Europian, duke lejuar një shpejtësi maksimale prej 130 km/h. Ky investim privat, që do t’i dorëzohet shtetit pas 35 vitesh, përfshin:
Tre korsi për çdo kah lëvizjeje, njëra e dedikuar emergjencave.
14 nënkalime dhe 12 ura.
Segmenti lidh Thumanën me autostradën Tiranë-Durrës, duke shërbyer si një arterie kyçe për qytetarët shqiptarë dhe turistët e huaj.
The post Dje kanë nisur tarifat e kalimit në autostradën e re në Shqipëri, ja sa kushtojnë appeared first on Albinfo.
