Fituesit e medaljeve olimpike priten nga qytetarët në Kosovë

Ministria e Kulturës ka organizuar pritje shtetërore për ekipin olimpik, që përfaqësuan Kosovën në Lojërat Olimpike në Paris 2024.

“Kjo mbrëmje i dedikohet festimit të arritjeve të tyre të jashtëzakonshme, punës së palodhur dhe medaljeve historike që kanë sjellë në shtëpi. Sportistët tanë i kanë treguar botës fuqinë, vendosmërinë dhe talentin e Kosovës, duke na bërë të gjithëve krenarë”, thuhet në njoftimin e Ministrisë së Kulturës.

Në sheshin “Xhorxh Bush”, qytetarë të shumtë përshëndetën ekipin olimpik të prirë nga fitueset e medaljeve olimpike 2024, Laura Fazliu dhe Distria Krasniqi.

Në skenën në kryeqytet u ngjitën edhe Nora e Akil Gjakova, Gresa Bakraqi, Hana Beiq, Donjeta Sadiku, Loriana Kuka dhe Adell Saboviq.

Laura Fazliu fitoi medaljen e bronztë e Distria Krasniqi të argjendtën.

“Me shumë punë, me shumë disiplinë, ekipi jonë i xhudos arriti të mbajë primatin si fitues i medaljeve për secilin vit që marrim pjesë në Lojërat Olimpike”, tha kryeministri i Kosovës, Albin Kurti.

“Është nder dhe kënaqësi që po ju shoh që keni ardhur këtu dhe që po kthehemi me medalje olimpike. Kosova është shtet i xhudos dhe do të prodhojë edhe medalje të tjera”, u shpreh maestro i xhudos, Toni Kuka.

The post Fituesit e medaljeve olimpike priten nga qytetarët në Kosovë appeared first on Albinfo.

Burimi Informacionit :

Lajmi eshte mare nga portalet tjere ne nuk mbajme pergjithesine per publikimin nese keni ndonje problem me lajmin e mesiper atehere dergo nje mesazh per fshirje ne Kosova.Today.
Ky lajme me heret eshte postuar ne keto portale : abcnews, insajderi, zhurnal, albinfo, kosovarja, ora24, fakteplus, afterparty, kryefjala, lajmi.net, aktuale.mk, kolibri.al, orainfo.net, portalb.mk