Komandanti i KFOR’it sot ka udhëtuar në Beograd për takim me kreun e Ushtrisë së Serbisë- detaje

Komandanti i KFOR’it, Ozkan Ulutas, sot në Beograd është takuar me shefin e Ushtrisë së Serbisë.

Forcat e Armatosura të Serbisë kanë njoftuar se në takim është diskutuar për situatën e sigurisë në Kosovë dhe për bashkëpunimin mes ushtrisë serbe dhe KFOR-it “në detyrën tonë të përbashkët për krijimin e një mjedisi të sigurt” në Kosovë.

“Një bisedë u zhvillua gjithashtu për veprimet e ndërmarra nga Forcat e Armatosura të Serbisë dhe nga forcat ndërkombëtare në Kosovë, për vëzhgimin e gjendjes në terren, parandalimin e krijimit të ndonjë krize dhe për të ofruar përgjigje efikase, në rast se siguria kërcënohet”, thuhet në komunikatë referuar veriut të Kosovës.

Forcat e Armatosura të Serbisë kanë thënë se situata e sigurisë në Kosovë është jostabile dhe e ndjeshme.

“Duke pasur parasysh se situata e sigurisë në Kosovë është e paqëndrueshme dhe e ndjeshme, bashkëbiseduesit janë pajtuar se është e nevojshme të vazhdohet bashkëpunimi i mirë që është ruajtur deri më tani dhe komunikimi i drejtpërdrejtë në të gjitha nivelet”, thuhet në komunikatë.

Burimi Informacionit :

Lajmi eshte mare nga portalet tjere ne nuk mbajme pergjithesine per publikimin nese keni ndonje problem me lajmin e mesiper atehere dergo nje mesazh per fshirje ne Kosova.Today.
Ky lajme me heret eshte postuar ne keto portale : abcnews, insajderi, zhurnal, albinfo, kosovarja, ora24, fakteplus, afterparty, kryefjala, lajmi.net, aktuale.mk, kolibri.al, orainfo.net, portalb.mk