KOSOVA

Komandanti i Shtabit të NATO’s në Sarajevë vjen në Kosovë, pritet nga Ulutash, KFOR jep detaje

Kosova.Today ·

Komandanti i KFOR’it, Ozkan Ulutash, ka pritur në takim, gjeneral James C. Fowler, komandant i Shtabit të NATO-s në Sarajevë. Në njoftim bëhet e ditur se, takimi u fokusua te situata e sigurisë në rajon, ku Ulutash, rikonfirmoi angazhimin e...

Komandanti i KFOR’it, Ozkan Ulutash, ka pritur në takim, gjeneral James C. Fowler, komandant i Shtabit të NATO-s në Sarajevë.

Në njoftim bëhet e ditur se, takimi u fokusua te situata e sigurisë në rajon, ku Ulutash, rikonfirmoi angazhimin e KFOR-it për të garantuar një mjedis të sigurt dhe të mbrojtur për të gjithë njerëzit që jetojnë në Kosovë, në çdo kohë dhe në mënyrë të paanshme.

Njoftimi:

Komandanti i misionit të Forcës së Kosovës të udhëhequr nga NATO (KFOR), gjeneralmajor Özkan Ulutaş, priti në Shtabin e KFOR-it, në Kampin “Film City” në Prishtinë, gjeneral brigade James C. Fowler, komandant i Shtabit të NATO-s në Sarajevë.

Takimi u fokusua te situata e sigurisë në rajon, ndërsa gjeneralmajor Ulutaş rikonfirmoi angazhimin e KFOR-it për të garantuar një mjedis të sigurt dhe të mbrojtur për të gjithë njerëzit që jetojnë në Kosovë, në çdo kohë dhe në mënyrë të paanshme. Komandanti i KFOR-it prezantoi gjithashtu aktivitetet që misioni po zhvillon dhe prioritetet kryesore të tij.

KFOR-i vijon të zbatojë mandatin e tij, bazuar në Rezolutën 1244 të Këshillit të Sigurimit të OKB-së të vitit 1999, për të kontribuar në krijimin e një mjedisi të sigurt dhe të mbrojtur për të gjithë njerëzit që jetojnë në Kosovë dhe për garantimin e lirisë së lëvizjes.

KFOR-i e kryen këtë mision në çdo kohë dhe në mënyrë të paanshme, në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), në përputhje me rolet përkatëse të tyre si aktorë të reagimit ndaj çështjeve të sigurisë.


Burimi i lajmit: orainfo.net
Shënim: Ky material është përpunuar për qëllime informimi nga Portali Kosova.Today.

Lexo në faqen e plotë
Të ngjashme

Ambasadori i Kosovës në Belgjikë reagon për këngën nacionaliste në Bruksel: E papranueshme, BE-ja duhet të japë sqarime

15.11.2026

Terras reagon ashpër për këngën nacionaliste serbe kundër Kosovës, kërkon llogari nga Komisioni Evropian

16.11.2026

Kosova ia kalon Shqipërisë në të ardhurat e shtresës më të varfër të popullsisë

16.11.2026

Vdes një grua 43 vjeçare në Pejë, Spitali rajonal jep detaje për rastin

14.11.2026