Kurti të hënën në vizitë në Maqedoni të Veriut

Kryeministri i Kosovës, Albin Kurti, bashkë me ministra, të hënën do të zhvillojnë një vizitë pune në Maqedoninë e Veriut. Atje do të zhvillohet një takim bilateral mes Kurtit dhe kryeministrit të Maqedonisë së Veriut, Hristjan Mickoski.

Këtë për Gazetën Express e ka konfirmuar zëdhënësi i Qeverisë, Përparim Kryeziu.

Ai ka thënë se për këtë vizitë dakordimi është bërë më 20 korrik.

“Kryeministri Kurti, i shoqëruar nga ministra të kabinetit qeveritar, të hënën do të zhvillojë një vizitë pune në Maqedoninë e Veriut. Atje do të ketë një takim bilateral me kryeministrin e Maqedonisë së Veriut me të cilin do të diskutojnë rreth raporteve bilaterale, bashkëpunimit rajonal dhe projektet infrastrukturore me interes për dy shtetet. Realizimi i kësaj vizite është dakorduar me 20 korrik”, ka thënë Kryeziu.

Kjo vizitë e Kurtit vjen pak ditë pas incidentit të presidentes Osmani në aeroportin e Shkupit, ku Presidenca tha se iu kërkua të skanohej telefoni i saj nga stafi i aeroportit.

 

Burimi Informacionit :

Lajmi eshte mare nga portalet tjere ne nuk mbajme pergjithesine per publikimin nese keni ndonje problem me lajmin e mesiper atehere dergo nje mesazh per fshirje ne Kosova.Today.
Ky lajme me heret eshte postuar ne keto portale : abcnews, insajderi, zhurnal, albinfo, kosovarja, ora24, fakteplus, afterparty, kryefjala, lajmi.net, aktuale.mk, kolibri.al, orainfo.net, portalb.mk