MAQEDONIA

Mustafa Dauti: Bashkëpunim më i fortë me Doganën e Kosovës, më shumë koordinim dhe më pak pritje në kufi

Kosova.Today ·

Zëvendësdrejtori i Drejtorisë së Doganave të Republikës së Maqedonisë së Veriut, Mustafa Dauti, zhvilloi sot një takim konstruktiv bilateral me drejtorin e Doganës së Kosovës, Agron Lugalliu, dhe drejtues të tjerë të Doganës së Kosovës. Takimi...

Zëvendësdrejtori i Drejtorisë së Doganave të Republikës së Maqedonisë së Veriut, Mustafa Dauti, zhvilloi sot një takim konstruktiv bilateral me drejtorin e Doganës së Kosovës, Agron Lugalliu, dhe drejtues të tjerë të Doganës së Kosovës.

Takimi u zhvillua në kuadër të bashkëpunimit të vazhdueshëm dhe të rëndësishëm ndërmjet dy administratave doganore, me fokus në forcimin e koordinimit dhe lehtësimin e qarkullimit të mallrave dhe udhëtarëve ndërmjet dy vendeve.

Një nga çështjet kryesore të diskutuara ishte funksionimi i One Stop Shop në pikën kufitare Bllacë – Hani i Elezit, me synim përmirësimin e koordinimit ndërmjet institucioneve, shkëmbimin më të shpejtë të të dhënave dhe reduktimin e kohës së pritjes në kufi.

Gjatë takimit u diskutua edhe për digjitalizimin e proceseve doganore, përafrimin e mëtejshëm me standardet e Bashkimit Evropian, si dhe forcimin e bashkëpunimit ndërinstitucional në parandalimin dhe luftimin e kriminalitetit ndërkufitar.

Zëvendësdrejtori Dauti theksoi rëndësinë e rezultateve konkrete dhe të bashkëpunimit praktik ndërmjet dy administratave doganore.

“Bashkëpunimi i mirë matet me rezultate konkrete në terren. Më shumë koordinim, më pak pritje dhe kufij më të sigurt – ky duhet të jetë drejtimi ynë i përbashkët.”

Takimi konfirmoi gatishmërinë e të dyja palëve për të vazhduar bashkëpunimin dhe për të ndërmarrë hapa konkretë në drejtim të një menaxhimi më efikas të kufirit, lehtësimit të tregtisë dhe rritjes së sigurisë ndërkufitare.


Burimi i lajmit: ina-online.net
Shënim: Ky material është përpunuar për qëllime informimi nga Portali Kosova.Today.

Lexo në faqen e plotë
Të ngjashme

Zagrebi si model për Tetovën, Kasami mirëpritet nga Tomasheviqi, 4 pikat e bashkëpunimit

14.11.2026

Ministri i Drejtësisë, Jeton Shasivari: “Nuk mund t’i kesh edhe milionat e Soravisë, edhe shqipen! Ose ti mundesh, por pastaj s’mundesh!”

13.11.2026

Shasivari hap procesin ligjvënës ndaj publikut – Kodi i Ri Penal dhe Ligji për Procedurën Penale publikohen në ENER

13.11.2026

Astrit Iseni: One Stop Shop me Shqipërinë, hap i ri drejt lehtësimit të qarkullimit në kufi

13.11.2026