Nagavci shpreh ngushëllime për vdekjen e profesoreshës Emine Arifi-Bakalli

Ministrja e Arsimit, Shkencës, Teknologjisë dhe Inovacionit, Arbërie Nagavci, ka shprehur ngushëllime për vdekjen e profesoreshës Emine Arifi-Bakalli.

Nagavci ka thënë se e ndjera do të mbahet mend gjithmonë si një intelektuale e përkushtuar e cila ka dhënë kontribut të çmuar në ngritjen dhe ruajtjen e standardeve më të larta të shkencës së historisë.

“Ajo dha kontribut të çmuar për më shumë se dy dekada në Universitetin e Prishtinës dhe ishte një model për të gjithë kolegët dhe shumë e dashur për studentët e saj. Është autore e disa librave dhe artikujve shkencorë për historinë e Kosovës, përfshirë monografinë: ‘Marrëdhëniet shqiptaro-jugosllave 1929-1939′”.

“Veprimtaria akademike e profesoreshës Arifi Bakalli do jetë frymëzim për brezat e ardhshëm. Ngushëllime familjes, studentëve, kolegëve dhe miqve të saj. U prehtë në paqe profesoresha Arifi Bakalli!”, ka shkruar Nagavci në rrjetin social Facebook.

Burimi Informacionit :

Lajmi eshte mare nga portalet tjere ne nuk mbajme pergjithesine per publikimin nese keni ndonje problem me lajmin e mesiper atehere dergo nje mesazh per fshirje ne Kosova.Today.
Ky lajme me heret eshte postuar ne keto portale : abcnews, insajderi, zhurnal, albinfo, kosovarja, ora24, fakteplus, afterparty, kryefjala, lajmi.net, aktuale.mk, kolibri.al, orainfo.net, portalb.mk