Në Ballkonin e Hapur të Qeverisë, Kurti priti bashkatdhetarët për të shënuar Ditën e Diasporës

Kryeministri Albin Kurti në ndërtesën e Qeverisë ka pritur bashkatdhetarët për të shënuar Ditën e Diasporës, shkruan albinfo.ch.

Duke u uruar të gjithëve mirëseardhje, fjalën pritëse kryeministri Kurti e filloi me urimin për 25-vjetorin e çlirimit të vendit.

Ai ka thënë se vullnetin, patriotizmin, gatishmërinë, mërgata jonë e ka pasur përherë.

“Çka i ka munguar është shteti në krah të saj e infrastruktura institucionale që vullnetin e pashtershëm, patriotizmin shembull dhe gatishmërinë e përhershme, ta kthejë në zhvillim të vendit për më shumë të drejta, për më shumë mirëqenie. E Qeveria jonë këtë e di shumë mirë dhe për këtë angazhohemi çdo ditë”, ka shkruar Kurti në “Facebook”.

“Edhe këtë vit mirëpritëm bashkatdhetarë tanë në ndërtesën e Qeverisë, për të shënuar bashkë Ditën e Diasporës. Gjatë gjithë muajve të verës kemi pasur e do të kemi aktivitete të shumta kushtuar atyre, e gjatë gjithë vitit angazhohemi që t’i shtojmë arsyet dhe mundësitë që mërgata jonë të forcojë lidhjet me vendin. Sado e madhe që mund të jetë largësia, atë mund ta zvogëlojmë përmes nismave dhe politikave të qëndrueshme”, ka shkruar ai. /Albinfo.ch

 

The post Në Ballkonin e Hapur të Qeverisë, Kurti priti bashkatdhetarët për të shënuar Ditën e Diasporës appeared first on Albinfo.

Burimi Informacionit :

Lajmi eshte mare nga portalet tjere ne nuk mbajme pergjithesine per publikimin nese keni ndonje problem me lajmin e mesiper atehere dergo nje mesazh per fshirje ne Kosova.Today.
Ky lajme me heret eshte postuar ne keto portale : abcnews, insajderi, zhurnal, albinfo, kosovarja, ora24, fakteplus, afterparty, kryefjala, lajmi.net, aktuale.mk, kolibri.al, orainfo.net, portalb.mk