Në RMV ka gjashtë zjarre aktive, nëntë janë vënë nën kontroll

Nga gjithsej 41 zjarre në hapësirë ​​të hapur gjatë 24 orët e fundit, gjashtë janë aktive, nëntë janë vënë nën kontroll, dhe 26 janë shuar, njoftoi Qendra për Menaxhimin e Krizave (QMK), transmeton Portalb.mk.

Zjarri është ende aktiv në afërsi të fshatrave Tazhevë dhe Breznicë në Komunën Makedonski Brodit, si dhe në fshatin Vitovë, Ilino dhe Brezhani në Malin Ilinska Planina.

Po ashtu edhe në Komunën e Çashkës (fshati Papradishte dhe Oreshë), në Komunën e Petrovecit (fshati Gradmanci dhe Divlje), në Koçan ( vendi i quajtur Panagjur dhe pushumorja te Ponikva) dhe në Studeniçan (fshati Draçevicë dhe Cërvena Voda).

Kujtojmë se, dje u arrestua një qytetar i Maqedonisë së Veriut, nën dyshimet për ndezje të zjarrit në hapësirat e hapura.

LEXO: Policia e Maqedonisë së Veriut arrestoi një qytetar për ndezje të zjarrit, ndërkohë filloi kontrollet me dron

Qeveria e Maqedonisë së Veriut ka marrë vendim për ekzistimin e gjendjes së krizës për shkak të rritjes së shfaqjes së zjarreve në territorin e vendit.

Kujtojmë se është vënë ndalesë e plotë e lëvizjes në pyje dhe toka pyjore në territorin e menaxhuar nga NP “Pyjet Kombëtare”, i cili do të zgjasë deri në ditën e shfuqizimit të tij, në periudhën nga ora 06:00 deri në orën 20:00. 

LEXO: Solidariteti në veprim: 110 shtetas të huaj për momentin po e ndihmojnë RMV-në për tu përballë me zjarret

Burimi Informacionit :

Lajmi eshte mare nga portalet tjere ne nuk mbajme pergjithesine per publikimin nese keni ndonje problem me lajmin e mesiper atehere dergo nje mesazh per fshirje ne Kosova.Today.
Ky lajme me heret eshte postuar ne keto portale : abcnews, insajderi, zhurnal, albinfo, kosovarja, ora24, fakteplus, afterparty, kryefjala, lajmi.net, aktuale.mk, kolibri.al, orainfo.net, portalb.mk