MAQEDONIA

Osmani shkon në Tirolin e Jugut: BDI kërkon model për forcimin e Marrëveshjes së Ohrit

Kosova.Today ·

Nënkryetari i BDI-së, Bujar Osmani, do të qëndrojë më 16 dhe 17 shtator në Tirolin e Jugut, ku do të zhvillojë takime me përfaqësues institucionalë dhe ekspertë, me fokus te modelet e bashkëjetesës dhe mbrojtjes së komuniteteve. Sipas BDI-së,...

Nënkryetari i BDI-së, Bujar Osmani, do të qëndrojë më 16 dhe 17 shtator në Tirolin e Jugut, ku do të zhvillojë takime me përfaqësues institucionalë dhe ekspertë, me fokus te modelet e bashkëjetesës dhe mbrojtjes së komuniteteve.

Sipas BDI-së, gjatë vizitës Osmani do të njihet nga afër me mënyrën se si funksionon modeli i Tirolit të Jugut, veçanërisht në fushën e barazisë gjuhësore, përfaqësimit proporcional dhe ndarjes së pushtetit.

Nga BDI e cilësojnë këtë përvojë si të rëndësishme për Maqedoninë e Veriut, duke e lidhur drejtpërdrejt me nevojën për mbrojtjen dhe forcimin e arkitekturës së Marrëveshjes Kornizë të Ohrit.

Partia thekson se Tiroli i Jugut paraqet një nga shembujt më të njohur evropianë për menaxhimin e diversitetit, ku mekanizmat institucionalë për mbrojtjen e komuniteteve kanë kontribuar në stabilitetin afatgjatë.

Vizita e Osmanit vjen në kuadër të përpjekjeve të BDI-së për të promovuar modele evropiane që, sipas saj, mund të shërbejnë si përvojë për ruajtjen dhe avancimin e marrëdhënieve ndëretnike në vend.


Burimi i lajmit: ina-online.net
Shënim: Ky material është përpunuar për qëllime informimi nga Portali Kosova.Today.

Lexo në faqen e plotë
Të ngjashme

Faruk Nevzati: Shqiptarët shumicë në 13 komuna të Rajonit të Shkupit

15.11.2026

BDI: Kopilin tuaj s’mund ta lini në derë të huaj!

15.11.2026

Maqedonia e Veriut pritet të bjerë nën 1 milion banorë deri në 2100

14.11.2026

Qyteti i Maqedonisë i pushtuar nga lopët, bëhet lajm botëror (VIDEO)

14.11.2026