Pas shumë zvarritjeve filloi montimi i ashensorëve të rinj në Spitalin e Tetovës, pritet të jenë gati në shtator

Pas shkeljes së shumë premtimeve dhe afateve me vite, dje ka filluar instalimi i ashensorëve të rinj në Spitalin e Tetovës. Ashensorët pritet të jenë gati në shtator, shkruan Portalb.mk.

Nga Ministria e Shëndetësisë sqaruan për Portalbin se bëhet fjalë për 5 ashensorë të rinj.

“Të njëjtit pritet të montohen më së voni deri në gjysmën e dytë të muajit shtator”, thanë nga Ministria e Shëndetësisë.

Se montimi i ashensorëve ka filluar njoftoi edhe ministri i Shënetësisë, Arben Taravari.

Kujtojmë që Taravari në fund të muajit qershor 2024 i pyetur nga Portalb.mk për zvarritjen e kësaj procedure tha se ashensorët do të jenë realitet deri në fund të vitit.

LEXO: Çdo ministër premton por ashensorët assesi të instalohen në Spitalin e Tetovës, Taravari: Flasim për disa muaj

Ashensorët aktual në Spitalin e Tetovës janë të vjetër dhe vazhdimisht pësojnë defekte, ndërsa qytetarët dhe pacientët pavarësisht gjendjes së tyre shëndetësore duhet të ecin në këmbë.

Ashensorët e rinj i premtuan edhe ish ministrat paraprak Ilir Demiri dhe Fatmir Mexhiti, ashensorët u përmendën edhe në kohën kur ministër ishte Bekim Sali, por asnjëri nuk arriti ta çojë këtë proces deri në fund, kjo procedurë ka hasur në pengesa dhe zvarritje të ndryshme gjatë rrugës.

LEXO: Ende nuk ka ashensorë të ri në Spitalin e Tetovës, ministri i Shëndetësisë thotë se ka nënshkruar, nuk jep më shumë informata (Video)

Burimi Informacionit :

Lajmi eshte mare nga portalet tjere ne nuk mbajme pergjithesine per publikimin nese keni ndonje problem me lajmin e mesiper atehere dergo nje mesazh per fshirje ne Kosova.Today.
Ky lajme me heret eshte postuar ne keto portale : abcnews, insajderi, zhurnal, albinfo, kosovarja, ora24, fakteplus, afterparty, kryefjala, lajmi.net, aktuale.mk, kolibri.al, orainfo.net, portalb.mk