SPORTI

Leao i refuzon dy klube, Milani shpreson te oferta e opsionit të tretë

Kosova.Today ·

Afati kalimtar i verës ka hyrë në javën e fundit, ndërsa njëri prej emrave më të përfolur të kësaj merkatoje vazhdon të jetë Rafael Leao. Milani, tashmë nuk është sekret, do të ishte i gatshëm ta shiste sulmuesin portugez gjatë këtij afati...

Afati kalimtar i verës ka hyrë në javën e fundit, ndërsa njëri prej emrave më të përfolur të kësaj merkatoje vazhdon të jetë Rafael Leao.

Milani, tashmë nuk është sekret, do të ishte i gatshëm ta shiste sulmuesin portugez gjatë këtij afati kalimtar, por për momentin janë disa pengesa që duhet të tejkalohen.

E para lidhet me vlerësimin që Milani i ka bërë lojtarit. Klubi italian nuk ka ndërmend ta shesë lirë numrin 10, shkruan “Tuttomercatoweb”.

Megjithatë, pengesa kryesore aktualisht lidhet me vetë Leao, i cili tashmë ka refuzuar disa destinacione, pavarësisht përpjekjeve të menaxherit të tij, Jorge Mendes, për të gjetur një zgjidhje.

Rafael Leao, siç ishte raportuar edhe javën e kaluar, kishte refuzuar një transferim te Aston Villa.

Megjithatë, me shpresën se lojtari mund të ndryshonte mendje, Milani u ul në tryezën e negociatave me klubin anglez. Palët, megjithatë, nuk arritën marrëveshje dhe kjo pistë tashmë është ftohur.

Kontaktet mes dy klubeve nuk sollën marrëveshje sa i përket kostos së operacionit, ndërsa Aston Villa po tërhiqet nga gara për sulmuesin e Milanit.

Përveç kësaj, Leao ka refuzuar edhe ofertën e Al Hilalit të Simone Inzaghit. Klubi saudit më pas u orientua fillimisht drejt Conceicaos dhe më pas drejt Martinellit.

Ideja e Leaos mbetet e njëjtë: të qëndrojë te Milani, me të cilin ka edhe dy vite kontratë, ose të transferohet te Galatasaray.

Për këtë mundësi të fundit ka zhvillime të reja. Klubi turk është tashmë i gatshëm ta rrisë ofertën, ndryshe nga ajo që kishte bërë të ditur ditët e fundit.

Galatasaray është gati të ofrojë 40 milionë euro, plus disa bonuse të vogla.

Kjo shifër nuk po e bind plotësisht Milanin, por me vetëm një javë të mbetur nga mbyllja e afatit kalimtar, gjithçka mund të ndodhë.


Burimi i lajmit: orainfo.net
Shënim: Ky material është përpunuar për qëllime informimi nga Portali Kosova.Today.

Lexo në faqen e plotë
Të ngjashme

Shqipëria triumfon ndaj Bjellorusisë, fiton grupin dhe siguron ngjitjen në Ligën B

15.11.2026

Zvicra barazon pa gola me Slloveninë dhe siguron vendin e parë në grup

14.11.2026

Publikohet formacioni i Zvicrës, Xhaka mungon për shkak të lëndimit

13.11.2026

Ndeshja Kosovë-Izrael, policia me plan operativ: Gjatë lëvizjes së eskortës do të ketë ndërprerje trafiku

14.11.2026