Rreth 900 ushtarë izraelitë të vrarë në luftën në Gaza

Ushtria izraelite publikoi numrin e saj të parë zyrtar të vdekjeve që nga fillimi i luftës më 7 tetor 2023, duke njoftuar se 891 oficerë dhe ushtarë janë vrarë, raporton e përditshmja izraelite Yedioth Ahronoth.

Ky është numri më i lartë i anëtarëve ushtarakë të vrarë që nga lufta e Yom Kipur në 1973.

Gjatë 10 viteve para luftës aktuale, gjithsej 152 ushtarë izraelitë u vranë, përfshirë gjatë Operacionit Protective Edge në verën e vitit 2014.

Ndërkohë, Radio Ushtria Izraelite raportoi se 28 ushtarë izraelitë kanë kryer vetëvrasje që nga fillimi i luftës, duke përfshirë 16 rezervistë, numri më i lartë në 13 vjet./abcnews.al