Nis seanca e jashtëzakonshme për ndryshimin e Ligjit për Specialen

Ka nisur seanca e jashtëzakonshme e Kuvendit të Kosovës, e thirrur për shqyrtimin e Projektligjit për ndryshimin dhe plotësimin e Ligjit për Dhomat e Specializuara.

Seanca ishte paraparë të fillonte në ora 09:00, por nisja e saj u vonua për më shumë se një orë.

Në sallën e Kuvendit janë të pranishëm deputetë nga partitë parlamentare, ndërsa seanca pritet të vijojë me shqyrtimin e projektligjit që lidhet me Dhomat e Specializuara të Kosovës.

Burimi i lajmit: orainfo.net
Shënim: Ky material është përpunuar për qëllime informimi nga Portali Kosova.Today.