U arrestua Noizy në Shëngjin, do të ekstradohet në Kosovë

Reperi Noizy u arrestua mbrëmjen e djeshme nga Policia e Shqipërisë në Shëngjin së bashku me DJ Crax (Bahtjar Bajraktari). Ata po kërkoheshin nga Policia e Kosovës për shkak të një rrahjeje në një diskotekë në Pejë, transmeton Portalb.mk.

Sipas Policisë së Shqipërisë, të dy u arrestuan me qëllim të ekstradimit në Kosovë.

“Kapen nga Fast Albania dhe vihen në pranga 2 shtetas të kërkuar nga Policia e Kosovës… FAST Albania, bazuar në inteligjencën policore, bëri të mundur lokalizimin e 2 të kërkuarve, dhe në kuadër të operacionit policor “Fast”, kapi në Lezhë dhe arrestoi 2 shtetasit e shpallur në kërkim nga Policia e Kosovës, konkretisht shtetasin R. R., nga Durrësi, dhe shtetasin B. B., nga Prishtina. Kapja dhe arrestimi i tyre u bënë me qëllim ekstradimin në Kosovë”, informoi Policia e Shqipërisë.

Policia e Kosovës shpalli në kërkim më 5 gusht 2024 Noizyn (Rigels Rajkun) dhe DJ Crax (Bahtjar Bajraktarin) për shkak të veprës penale lëndim i rëndë trupor gjatë një rrahjeje në një diskotekë në Pejë.

LEXO: Pas përfshirjes në një përleshje, Policia e Kosovës është duke e kërkuar Noizyn, ai sot e anuloi një koncert

Kujtojmë që më 6 gusht 2024 Policia e Kosovës shpalli në kërkim edhe reperin Stresi (Arkimed Lushaj), i cili dyshohet për përfshirje në përleshjen që ndodhi në lokalin e natës në Pejë.

LEXO: Pas Noizyt, Policia e Kosovës është duke e kërkuar edhe Stresin

Burimi Informacionit :

Lajmi eshte mare nga portalet tjere ne nuk mbajme pergjithesine per publikimin nese keni ndonje problem me lajmin e mesiper atehere dergo nje mesazh per fshirje ne Kosova.Today.
Ky lajme me heret eshte postuar ne keto portale : abcnews, insajderi, zhurnal, albinfo, kosovarja, ora24, fakteplus, afterparty, kryefjala, lajmi.net, aktuale.mk, kolibri.al, orainfo.net, portalb.mk