Vota e diaspores, deri në 4 mars pritet të regjistrohen 230 mijë persona
Zgjedhjet në Shqipëri The post Vota e diaspores, deri në 4 mars pritet të regjistrohen 230 mijë persona appeared first on Albinfo.
Deri në 4 mars pritet të regjistrohen 230 mijë emigrantë, u shpreh ministri i Shtetit për Marrëdhëniet me Parlamentin, Taulant Balla, që ftoi shqiptarët e Diasporës të votojnë në zgjedhjet parlamentare të 11 majit, përcjell albinfo.ch.
Balla e konsideroi të rëndësishëm propozimin që të regjistrohen edhe shtetasit me dokumente identifikimi të skaduara.
“Qindra bashkatdhetarë rezultoi se nuk kishin mundësi për të rinovuar dokumentet brenda afatit. Ndaj, qeveria ka sjellë sot këto dy akte që i mundësojnë bashkatdhetarë të vazhdojnë të regjistrohen në shumicë deri në 4 mars për të votuar. U shpreh mirënjohje të gjithë atyre që e kanë bërë këtë detyrë ndaj atdheut. Janë 195 mijë të konfirmuar deri më tani dhe pritet që deri të martën të shkojë 230 mijë. Tregon dëshirën e madhe të bashkohen me ne”. Balla iu drejtua më tej opozitës, kur tha se rezultatet që do marrin në 11 Maj, s’i kanë parë as në ëndrrat më të këqija.
“Jeni në fazën që gënjeni veten, se e dini se çfarë ju pret në 11 Maj. Diçka që s’e keni parë dhe në ëndrrën më të keqe. Rezultatin s’e perceptoni dot. Nuk flas vetëm për votat në Shqipëri. Flas dhe për ata që mezi presin t’u shkojë fleta e votimit dhe aty të votojnë PS, sepse thonë se tani ndihen krenarë që janë shqiptarë. Është një barcaletë që thotë vazhdoni fërkoni gjoksin se e dini çfarë ju pret”.
Më pas, Berisha replikoi me Ballën, që e akuzoi sërish për lidhje me krimin.
“Siç e shihni, këta kanë marrë fund, ai deklaron se do të dalë dëshmitar për Edi Ramën, ky tjetri flet në emër të Partisë Socialiste. Jeni katandisur aty ku e meritoni. Meqenëse ky sot tha nuk quhem Tao, por quhem Krenar, do t’ju lexoj disa rreshta prej tij: Daupaj tha s’do t’i bëj nder Ballës. Vladi thotë flas unë, por të na tregojë mënyrën si do ta mbyllë. Çelo thotë Tao Tao dhe shton se i ka në rregull letrat. Çela thotë se b*ndra luan dhe dhe me Taon. Jo thotë b*ndrra do t’ia marrë. I dola borxhit Taos thotë. Ja kush ju përfaqëson juve”.
The post Vota e diaspores, deri në 4 mars pritet të regjistrohen 230 mijë persona appeared first on Albinfo.
