KOSOVA

Walker propozon këtë emër për president, letër liderëve të partive politike

Kosova.Today ·

Ish-ambasadori amerikan William G. Walker u ka dërguar letra katër liderëve politikë në Kosovë, Albin Kurtit, Lumir Abdixhikut, Bedri Hamzës dhe Ardian Gjinit, duke u kërkuar që Faton “Tony” Bislimi të jetë emri për presidentin e ardhshëm të...

Ish-ambasadori amerikan William G. Walker u ka dërguar letra katër liderëve politikë në Kosovë, Albin Kurtit, Lumir Abdixhikut, Bedri Hamzës dhe Ardian Gjinit, duke u kërkuar që Faton “Tony” Bislimi të jetë emri për presidentin e ardhshëm të Kosovës.

Në letrat e tij dërguar krerëve politik të cilat i ka siguruar Kanal10, Walker shpreh shqetësimin për bllokimin e procesit kushtetues për zgjedhjen e presidentit të ri të Kosovës dhe argumenton se vendit i nevojitet një figurë me aftësi të veçanta, përvojë ndërkombëtare dhe përkushtim ndaj Kosovës

Walker thotë se ka dëgjuar emrat e disa kandidatëve të mundshëm, por sipas vlerësimit të tij, Bislimi i posedon aftësitë përvojën dhe personalitetin që kërkohen për postin e presidentit.

“Në opinionin tim, ndër të gjithë emrat e mundshëm, Tony i posedon të gjitha aftësitë e nevojshme dhe personalitetin për të qenë një president i suksesshëm”, shkruan Walker në letrën që e ka siguruar Kanal10.

Ai përmend gjashtë karakteristika që, sipas tij, e bëjnë Bislimin të përshtatshëm për këtë pozitë: njohuritë për botën përtej Kosovës, formimin akademik, aftësitë gjuhësore, njohjen e thellë të historisë dhe proceseve politike të Kosovës, personalitetin dhe aftësinë për të qenë një kandidat konsensual.

Walker thekson veçanërisht se Kosova ka nevojë për një president që përfaqëson vendin në tërësi, e jo një parti apo një qëndrim të caktuar politik.

The post Walker propozon këtë emër për president, letër liderëve të partive politike appeared first on InfoShqip.com.


Burimi i lajmit: infoshqip.com
Shënim: Ky material është përpunuar për qëllime informimi nga Portali Kosova.Today.

Lexo në faqen e plotë
Të ngjashme

Ambasadori i Kosovës në Belgjikë reagon për këngën nacionaliste në Bruksel: E papranueshme, BE-ja duhet të japë sqarime

15.11.2026

Kurti: Herët të flitet për mundësinë e një kapitulli të ri me Serbinë, sa më shpejt që do të na njohin aq më mirë për dy vendet

13.11.2026

“Jeta është shumë e vështirë pa ty, vëllai jem” – Motra e policit Altin Kryeziu e kujton me dhimbje, tre muaj pas vdekjes së tij

15.11.2026

Terras reagon ashpër për këngën nacionaliste serbe kundër Kosovës, kërkon llogari nga Komisioni Evropian

16.11.2026