KOSOVA

Zbulimi i varrezave masive, Bajrami i shkruan Sorensenit: Të ofrohet mbrojte për personat që japin informacione

Kosova.Today ·

Kryenegociatori i Kosovës për dialogun me Serbinë, Agron Bajrami i ka shkruar letër të dërguarit të BE-së për dialogun Peter Sorensen, pas zbulimit të dy lokacioneve në Zubin Potok ku dyshohet për varrezë masive. Ai ka thënë se ka kërkuar nga...

Kryenegociatori i Kosovës për dialogun me Serbinë, Agron Bajrami i ka shkruar letër të dërguarit të BE-së për dialogun Peter Sorensen, pas zbulimit të dy lokacioneve në Zubin Potok ku dyshohet për varrezë masive.

Ai ka thënë se ka kërkuar nga Bashkimi Evropian që Serbia të zbatojë Deklaratën për Personat e Zhdukur, duke përfshirë qasjen në arkivat.

“Si Kryenegociator i Republikës së Kosovës, i kam përcjellë zyrtarisht Përfaqësuesit Special të BE-së për Dialogun, Peter Sørensen, shqetësimet tona të thella lidhur me zhvillimet e fundit sa i përket personave të zhdukur nga lufta e viteve 1998–1999. Kam kërkuar nga Bashkimi Evropian të sigurojë që Serbia t’i zbatojë plotësisht zotimet e saj në kuadër të Deklaratës për Personat e Zhdukur, përfshirë qasje të pakufizuar në arkiva dhe mbrojtje për të gjithë ata që ofrojnë informacione. Familjet kanë pritur shumë gjatë për të vërtetën”, ka shkruar ai në X.

As Chief Negotiator of the Republic of #Kosova, I have formally conveyed to @EUSR_Dialogue Peter Sørensen our grave concerns over recent developments regarding missing persons from the 1998–1999 war.
I have requested the EU to ensure Serbia fully implements its commitments under…

— Agron Bajrami (@AgronBajrami) August 4, 2026

Të hënën janë gjetur 4 mbetje mortore nga gërmimet në Jabukë të Zubin Potokut, ky dyshohet për varrezë masive të trupave të vrarë gjatë luftës në Kosovë nga forcat Serbe.

Poashtu javën e kaluar është zbuluar një lokacion ku dyshohet për varrezë masive dhe në Kalludër të Zubin Potokut.


Burimi i lajmit: orainfo.net
Shënim: Ky material është përpunuar për qëllime informimi nga Portali Kosova.Today.

Lexo në faqen e plotë
Të ngjashme

Rikthehen fluturimet në SHBA pas kaosit në aeroporte – rreth 10 mijë anulime për shkak të një defekti në sistemin e trafikut ajror

14.11.2026

Shpërtheu në lot kur shkoi në Prekaz, turkja me emocione flet për Adem Jasharin (VIDEO)

15.11.2026

Kurti: Herët të flitet për mundësinë e një kapitulli të ri me Serbinë, sa më shpejt që do të na njohin aq më mirë për dy vendet

13.11.2026

Ismet Beqiri kritikon zhvillimet në LDK: Nuk mund të flasësh për bashkim duke i larguar ata që e ndërtuan partinë

14.11.2026