Regensberg, Gjermani: Vdes papritur koreografi dhe balerini shqiptar, Leander Veizi

Koreografi Leander Veizi ka vdekur. Teatri Shtetëror i Regensburgut e njoftoi këtë sot. Balerini, koreografi dhe drejtori 37 vjeçar në detyrë i kompanisë së vallëzimit të Teatrit Shtetëror të Regensburgut u gjet i vdekur në apartamentin e tij në Regensburg të hënën, transmeton albinfo.ch.

Sipas policisë, nuk ka shenja dhune apo veprimi të ndonjë pale të dytë.

Veizi, me origjinë nga Shqipëria, u trajnua si balerin në Akademinë Kombëtare të Baletit në Tiranë dhe në Scuola del Balletto di Toscana, shkruan tanznetz.de dhe media të tjera gjermane.

Si balerin, ai ishte i angazhuar, ndër të tjera në Operën Kombëtare Shqiptare, pastaj me Gauthier Dance në Theaterhaus Stuttgart, me Ballet Vorpommern dhe me TanzTheaterMünster Ai punoi me shumë koreografë të njohur dhe kërceu role të ndryshme kryesore.

Në vitin 2022, Veizi filloi angazhimin e tij si balerin në Teatrin Shtetëror të Regensburgut dhe gjithashtu punoi si koreograf, përcjell albinfo.ch. Leander Veizi kishte marrë përsipër menaxhimin e përkohshëm të kompanisë në fillim të këtij sezoni.

Teatri Shtetëror i Regensburgut shkruan: “Me hidhërim të thellë mësuam për vdekjen e papritur të kolegut dhe mikut tonë Leander Veizi. Vajtojmë për humbjen e një miku dhe artisti frymëzues. Mendimet tona janë me familjen e tij në Shqipëri, Itali dhe SHBA, partneren e tij dhe të dashurit e tij më të ngushtë.”

Një libër ngushëllimesh është i disponueshëm në teatër në Bismarckplatz.

Foto: © Staatstheater Regensburg

The post Regensberg, Gjermani: Vdes papritur koreografi dhe balerini shqiptar, Leander Veizi appeared first on Albinfo.

Burimi i lajmit: albinfo.ch
Shënim: Ky material është përpunuar për qëllime informimi nga Portali Kosova.Today.