Aeroplani i parë zviceran me qasje në internet, u nis sot

Gjithmonë të lidhur, madje edhe në avion. Tani me shpejtësi të lartë. Avioni i parë i linjës ajrore zvicerane Swiss, i pajisur me lidhje interneti me shpejtësi të lartë përmes teknologjisë Starlink, u nis të hënën në mëngjes: bëhet fjalë për Airbus A320neo – me kod regjistrimi HB-JDM dhe i pagëzuar “Iseltwald” – i cili u nis nga Cyrihu drejt Selanikut, në Greqi.

Ky shërbim, i cili është falas në të gjitha klasat e udhëtimit për anëtarët e “Miles & More” dhe përdoruesit me “Travel ID”, po instalohet gradualisht në të gjithë avionët e flotës, duke filluar me tre avionë të tipit A320.

Një përditësim që po kryhet në të gjithë Grupin Lufthansa, siç bën të ditur Swiss në një deklaratë të publikuar të hënën, transmeton albinfo.ch.

Sipas kompanisë, deri në vitin 2029, e gjithë flota do të jetë e pajisur me teknologjinë e re, e cila do të mundësojë një lidhje interneti më të shpejtë gjatë fluturimit.

The post Aeroplani i parë zviceran me qasje në internet, u nis sot appeared first on Albinfo.

Burimi i lajmit: albinfo.ch
Shënim: Ky material është përpunuar për qëllime informimi nga Portali Kosova.Today.