Bërtima e të shara, disa protestues pengojnë deputetët e LDK-së të dalin nga Kuvendi

Disa protestues kanë penguar disa deputetë të Lidhjes Demokratike të Kosovës, të cilët hapën derën për të dalë nga Kuvendi.

Protestuesit e mbledhur prapa objektit të Kuvendit për të kërkuar miratimin e projektligjit për ndryshimin e ligjit për Gjykatën Speciale reaguan ashpër kur panë deputetët e LDK-së që po tentonin të dilnin nga Kuvendi. Deputetët e kësaj partie nuk morën pjesë në votim, duke paralajmëruar për pasoja nga miratimi i këtij propozimi.

U desh reagimi i policëve për t’i ndalur disa protestues që tentuan të afrohen te dera prapa Kuvendit.

“Hec me e votu ligjin. Hyni mrena! Hyni mrena majmuna”, dëgjohet teksa bërtet njëri, sipas një videoje të publikuar nga Demos.

Janë dëgjuar edhe sharje, ndërsa duke parë këtë situatë, deputetët që po dilnin jashtë e mbyllën derën e Kuvendit.

Burimi i lajmit: orainfo.net
Shënim: Ky material është përpunuar për qëllime informimi nga Portali Kosova.Today.