JETA

Vapa dhe thatësira godasin troftat në Zvicër, pasojat mund të ndihen për vite

Kosova.Today ·

Sipas Inspektoratit të Peshkimit të Kantonit të Bernës, në rrjedhat ujore më të prekura nga nxehtësia dhe thatësira, peshqit janë përballur me stres të madh. Në kushte të tilla, troftat reduktojnë ose ndërpresin ushqyerjen, ndërsa temperaturat...

Sipas Inspektoratit të Peshkimit të Kantonit të Bernës, në rrjedhat ujore më të prekura nga nxehtësia dhe thatësira, peshqit janë përballur me stres të madh. Në kushte të tilla, troftat reduktojnë ose ndërpresin ushqyerjen, ndërsa temperaturat e larta dhe tharja e pjesëve të lumenjve zvogëlojnë edhe sasinë e ushqimit në dispozicion, transmeton albinfo.ch.

Kjo ka bërë që disa prej troftave që kanë mbijetuar të duken dukshëm më të dobëta se zakonisht.

Miliona peshq nuk i mbijetuan verës

Bilanci i verës 2026 konsiderohet i rëndë. Sipas autoriteteve të Bernës, disa milionë peshq kanë ngordhur, përfshirë shumë peshq të rinj të lindur gjatë këtij viti. Vetëm në Kantonin e Bernës, më shumë se 100 mijë peshq janë shpëtuar përgjatë mbi 100 kilometrave të rrjedhave ujore.

Problemi mund të mos përfundojë me uljen e temperaturave. Ekspertët paralajmërojnë se edhe riprodhimi i troftave mund të jetë dëmtuar, pasi vezët e femrave nuk janë zhvilluar në të njëjtat kushte si gjatë një viti normal. Për këtë arsye, efektet e verës së nxehtë mund të reflektohen në popullatën e troftave edhe gjatë viteve të ardhshme.

Troftat janë veçanërisht të ndjeshme ndaj ngrohjes së ujit. Sipas autoriteteve federale zvicerane, intervali ideal për ciklin e tyre jetësor është rreth 8 deri në 19°C, ndërsa temperaturat mbi 25°C mund të bëhen fatale.

Disa kantone vendosën ndalime të peshkimit

Për shkak të situatës, në Bernë, Solothurn dhe Basel-Landschaft janë vendosur ndalime të përkohshme të peshkimit në disa lumenj ose segmente të tyre.

Federata Zvicerane e Peshkimit e konsideron situatën një sinjal alarmi dhe kërkon më shumë masa për rigjallërimin e lumenjve, sigurimin e sasive të mjaftueshme të ujit, krijimin e më shumë zonave me hije dhe ruajtjen e strehimoreve natyrore për peshqit. Organizata nuk përjashton as mundësinë e një iniciative popullore për forcimin e mbrojtjes së ujërave.

The post Vapa dhe thatësira godasin troftat në Zvicër, pasojat mund të ndihen për vite appeared first on Albinfo.


Burimi i lajmit: albinfo.ch
Shënim: Ky material është përpunuar për qëllime informimi nga Portali Kosova.Today.

Lexo në faqen e plotë
Të ngjashme

U hap sot në Bernë ekspozita “CHIPS”, një udhëtim në botën e mikroçipave

13.11.2026

Mbi 800 hotele zvicerane i bashkohen padisë kolektive kundër Booking.com

16.11.2026

Tregu i Krishtlindjeve në St. Gallen largon dy atraksione tradicionale për fëmijë

12.11.2026

Qyteti i Cyrihut, me paga minimale prej 23.90 frangash në orë nga 1 janari 2027

12.11.2026