Zonja: Tre skenarët për rrëzimin e Ramës (VIDEO)

Analisti Sebastian Zonja, i ftuar në emisionin Prime News24 tha se koha në vijim do të jetë nëntori i vetmisë së madhe për kryeministrin Edi Rama.

Zonja theksoi se ka tre skenarë për të rrëzuar kreun e qeverisë nga pushteti.

Sipas tij, më shumë gjasa që ta rrëzojë kryeministrin ka skenari hungarez, ku fronti opozitar të jetë tepër i fuqishëm, duke i dalë kundër një regjimi represiv.

”Ky është nëntori i vetmisë së madhe të kryeministrit. Rinia ka një ëndërr dhe pedagogët po e mbështesin. Rama thotë “Po ika unë, kush do vijë” sepse është zënë ngushtë.

Ka tre skenarë si mund të ikë kryeministri. Skenari hungarez është që fronti opozitar të jetë i fortë. Skenari serb është protesta e madhe e studentëve. Skenari maqedonas është që të rrëzohet me “bomba”, pra përgjime.

Skenarin më të mundshëm shoh atë që të kemi një front të madh opozitar, pra atë hungarez”, theksoi Zonja.

© BalkanWeb

Burimi i lajmit: ina-online.net
Shënim: Ky material është përpunuar për qëllime informimi nga Portali Kosova.Today.