JETA

Gjini: Askush nuk ka me mbërri me ndot tregimin tonë për liri

Kosova.Today ·

Kryetari i Aleancës, Ardian Gjini, ka thënë se askush nuk do të mund ta njollosë historinë e luftës së UÇK-së dhe tregimin e Kosovës për liri. Gjini ka thënë se qytetarët po i drejtohen gjithë botës, miqve që e kanë mbështetur Kosovën në vitin...

Kryetari i Aleancës, Ardian Gjini, ka thënë se askush nuk do të mund ta njollosë historinë e luftës së UÇK-së dhe tregimin e Kosovës për liri.

Gjini ka thënë se qytetarët po i drejtohen gjithë botës, miqve që e kanë mbështetur Kosovën në vitin 1999, por edhe kundërshtarëve të saj.

“Gjithë këta njerëz i flasin gjithë botës. Sot i flasim edhe njëri-tjetrit, miqve që na kanë dëgjuar më 1999, po ju flasim edhe armiqve. Po ju flet populli i lirë i Kosovës”, ka thënë Gjini.

Ai tha se UÇK-ja kishte luftuar kundër atyre që, sipas tij, kishin kryer krime ndaj popullatës shqiptare në Kosovë.

“A e dini kundër kujt kanë luftu këta, UÇK-ja? Kanë luftuar kundër atyre që i kanë mbush kamionët me trupa të shqiptarëve. E qysh munden me pas faj një popull, njerëzit që e kanë kapur pushkën për liri kundër atyre që kanë qenë katilat më të mëdhenj në Evropë?”, u shpreh ai.

Gjini u shpreh se Kosova do ta presë edhe vendimin për ish-krerët e UÇK-së, por shtoi se, sipas tij, historia e luftës për liri nuk mund të njolloset.

“Kemi me i prit edhe tri ditë edhe 19 orë. Poshtërsia më e thellë njerëzore është që ata që e kanë kryer krimin i akuzojnë të tjerët për krime. Kurrë askush nuk ka me mbërritë me ndot tregimin tonë për liri”, deklaroi Gjini.


Burimi i lajmit: orainfo.net
Shënim: Ky material është përpunuar për qëllime informimi nga Portali Kosova.Today.

Lexo në faqen e plotë
Të ngjashme

Zvicër: Rriten çmimet e prodhimit dhe të importit, nafta ndër faktorët kryesorë

13.11.2026

Bazeli përplot shqiptarë, mbi 11 mijë banorë e kanë shqipen gjuhë kryesore

15.11.2026

Italia ofron jetesë falas për plot 10 vite – shtëpi pranë detit dhe në fshatra malorë, ja kush mund të aplikojë!

12.11.2026

Një ditë në botën e të rriturve, dita e së ardhmes në Zvicër

12.11.2026