MAQEDONIA

Pasaporta e Maqedonisë së Veriut mes 40 më të fuqishmeve në botë: Hyrje e lirë në rreth 130 shtete

Kosova.Today ·

Pasaporta e Maqedonisë së Veriut shënon një pozitë stabile në ranglistën globale sipas indeksit të pasaportave „Henley Passport Index“, duke u pozicionuar në vendin e 38-të në botë me mundësi për udhëtim pa viza ose marrje të vizës me të mbërritur...

Pasaporta e Maqedonisë së Veriut shënon një pozitë stabile në ranglistën globale sipas indeksit të pasaportave „Henley Passport Index“, duke u pozicionuar në vendin e 38-të në botë me mundësi për udhëtim pa viza ose marrje të vizës me të mbërritur në rreth 130 destinacione, përcjell INA.

Edhe pse qytetarët e Maqedonisë së Veriut gëzojnë liri të lëvizjes nëpër vendet e zonës Schengen dhe në pjesën më të madhe të Evropës, pengesa të rëndësishme vizash ende ekzistojnë për të udhëtuar në SHBA, Kanada, Australi dhe në disa shtete aziatike, ku ende kërkohet procedurë paraprake për vizë.

Si qëndron rajoni?

Në kuadër të rajonit, dokumenti i udhëtimit i Maqedonisë së Veriut gjendet në mesin e tabelës:

Serbia: Vendi i 34-të (qasje pa viza në rreth 136 destinacione)

Maqedonia e Veriut dhe Mali i Zi: Vendi i 38-të (rreth 128–130 destinacione)

Bosnja dhe Hercegovina dhe Shqipëria: Rreth vendit të 43-të

Kosova: Vendi i 61-të

Pasaportat e vendeve anëtare të Bashkimit Evropian nga rajoni mbeten të ranguara dukshëm më lart. Pasaporta bullgare, falë anëtarësimit në BE, mundëson hyrje të lirë në mbi 175 vende dhe rregullisht gjendet mes 15 më të fortave në nivel global, ndërsa pasaporta greke është mes pesë kryesoreve në botë.

Në vetë majën e listës botërore dominojnë vendet aziatike, të udhëhequra nga Singapori, Japonia dhe Korea e Jugut, qytetarët e të cilave mund të udhëtojnë pa viza në më shumë se 190 vende në mbarë botën. (INA)


Burimi i lajmit: ina-online.net
Shënim: Ky material është përpunuar për qëllime informimi nga Portali Kosova.Today.

Lexo në faqen e plotë
Të ngjashme

Bilall Kasami viziton Xhaminë e Zagrebit: Ajo është bërë shtëpi edhe për shqiptarët e Kroacisë

15.11.2026

‘As Senjak’ del me deklaratë për opinionin pas akuzave për lidhje me Alta Bankën

14.11.2026

Kushtetuesja pret gjyqtarin e fundit për të vendosur për “Gjuhën shqipe” dhe “Rastet e Hagës”

13.11.2026

Muhamed Ali: Në Qendrën për Menaxhim me Kriza janë punësuar 25 shqiptarë nga 60 gjithsej, e sfidoj Frontin Evropian: A jeni mbi 40% shqiptarë?

14.11.2026