JETA

Ushtria zvicerane do të krijojë një qendër të re për dronë

Kosova.Today ·

Ushtria zvicerane po i drejtohet robotikës dhe dronëve për të siguruar mbrojtjen e vendit. Për këtë qëllim, Departamenti Federal i Mbrojtjes (DDPS) po krijon një batalion të ri dronësh dhe një shkollë rekrutësh. Dronët po bëhen gjithnjë e më...

Ushtria zvicerane po i drejtohet robotikës dhe dronëve për të siguruar mbrojtjen e vendit. Për këtë qëllim, Departamenti Federal i Mbrojtjes (DDPS) po krijon një batalion të ri dronësh dhe një shkollë rekrutësh.

Dronët po bëhen gjithnjë e më të rëndësishëm dhe po përdoren gjithnjë e më shumë në konflikte hibride. Numri i fluturimeve të dronëve mbi infrastrukturën ushtarake dhe kritike në Zvicër është në rritje. Prandaj, DDPS po investon në këtë fushë.

Ministri i Mbrojtjes Martin Pfister, Shefi i Forcave të Armatosura Benedikt Roos dhe Drejtori i armasuisse, Urs Loher, njoftuan të enjten në fushën e paradës në Thun (BE) krijimin e një qendre të re të përsosmërisë për sisteme pa pilot.

Kjo qendër do të mundësojë zhvillimin, testimin dhe integrimin e këtyre teknologjive të reja në forcat e armatosura. Puna po kryhet në bashkëpunim me komunitetet shkencore dhe të biznesit teksa synon të bashkojë nevojat e trupave, ekspertizën teknologjike të armasuisse dhe njohuritë e universiteteve dhe industrisë. Qëllimi është të “zhvillohen së bashku zgjidhje të reja, t’i testohen ato dhe t’i vihen në dispozicion të ushtrisë shpejt”, shkruan swisisnfo, transmeton albinfo.ch.

Nga viti 2028, ushtria do të ketë një batalion dronësh për zbulim dhe mbrojtje. Do të ngrihet një shkollë e specializuar rekrutësh për të trajnuar personelin ushtarak. Do të përshtaten edhe rregulloret dhe kuadri ligjor përkatës.

The post Ushtria zvicerane do të krijojë një qendër të re për dronë appeared first on Albinfo.


Burimi i lajmit: albinfo.ch
Shënim: Ky material është përpunuar për qëllime informimi nga Portali Kosova.Today.

Lexo në faqen e plotë
Të ngjashme

Krenati- Piloti shqiptar shpallet më i miri me avionët F-35 në forcën ajrore të SHBA

15.11.2026

Zvicër: Rriten çmimet e prodhimit dhe të importit, nafta ndër faktorët kryesorë

13.11.2026

“Për Kosovën Republikë” i Enver Dugollit promovohet mes studentëve në ETH Zürich

15.11.2026

St. Gallen: U promovua libri poetik në gjuhën gjermane i Isuf Sherifit

15.11.2026