SWISS dhe Edelweiss kërkojnë Travel ID për regjistrimin online nga Cyrihu

  • Ndaje
SWISS dhe Edelweiss kërkojnë Travel ID për regjistrimin online nga Cyrihu

Udhëtarëve të SWISS dhe Edelweiss që nisen nga aeroporti i Cyrihut, nga 16 nëntori u kërkohet një llogari Travel ID për regjistrimin online për fluturim, me disa përjashtime, përcjell albinfo.ch.

Sipas njoftimit të Lufthansa Group, Travel ID mundëson përdorimin e shërbimeve digjitale të kompanive të grupit me një llogari të vetme. Kërkesa po zbatohet gradualisht, ndërsa nga kjo datë përfshin edhe nisjet nga Cyrihu.

Udhëtarët që e kryejnë regjistrimin në sportelet ose në aparatet e vetëshërbimit në aeroport mund të vazhdojnë ta bëjnë këtë pa Travel ID.

Përjashtohen gjithashtu rezervimet që përmbajnë një numër të vlefshëm të programeve të udhëtarëve të shpeshtë, si Miles & More apo programet partnere. Përjashtime parashikohen edhe për rezervimet në grup, kategori të caktuara të rezervimeve turistike dhe çarter, si dhe për bileta ose fluturime të kompanive të tjera.

Kur disa udhëtarë janë brenda të njëjtit rezervim dhe një person e kryen regjistrimin për të gjithë, vetëm atij personi i nevojitet llogaria Travel ID.

Kompanitë do t’i informojnë udhëtarët për kërkesën përmes emailit, ftesës për regjistrim dhe faqes së regjistrimit online./Albinfo.ch

The post SWISS dhe Edelweiss kërkojnë Travel ID për regjistrimin online nga Cyrihu appeared first on Albinfo.


Burimi i lajmit: albinfo.ch
Shënim: Ky material është përpunuar për qëllime informimi nga Portali Kosova.Today.


0 lexime 0 sot