Zvicër: Rriten çmimet e prodhimit dhe të importit, nafta ndër faktorët kryesorë

Çmimet e prodhimit dhe të importit në Zvicër u rritën me 0,9 për qind gjatë tetorit, krahasuar me muajin paraprak, sipas të dhënave të publikuara sot nga Zyra Federale e Statistikave, përcjell albinfo.ch.

Rritja lidhet kryesisht me shtrenjtimin e produkteve të naftës, hidrokarbureve, pajisjeve elektrike, makinerive dhe produkteve informatike, elektronike e optike.

Krahasuar me tetorin e vitit 2025, niveli i përgjithshëm i çmimeve të prodhimit dhe të importit ishte gjithashtu 0,9 për qind më i lartë.

Në prodhimin vendas, krahas produkteve të naftës, u shtrenjtuan materialet për instalime elektrike, instrumentet dhe furnizimet mjekësore e dentare, makineritë, orët dhe produktet metalike.

Te mallrat e importuara, rritje çmimesh u regjistrua edhe për mobiliet dhe pajisjet ortopedike e protetike. Ndërkaq, çmimet e preparateve farmaceutike dhe të instrumenteve e furnizimeve mjekësore dhe dentare shënuan rënie.

Të dhënat pasqyrojnë zhvillimin e çmimeve në nivel prodhimi dhe importi, jo drejtpërdrejt çmimet që paguajnë konsumatorët në dyqane./Albinfo.ch

The post Zvicër: Rriten çmimet e prodhimit dhe të importit, nafta ndër faktorët kryesorë appeared first on Albinfo.

Burimi i lajmit: albinfo.ch
Shënim: Ky material është përpunuar për qëllime informimi nga Portali Kosova.Today.