Arben Fetai largohet nga posti i zëvendëskryeministrit: Aleanca për Shqiptarët e akuzon për tradhti

Arben Fetai largohet nga posti i zëvendëskryeministrit për qeverisje të mirë

Pas dorëheqjes publike të Arben Fetait nga posti i zëvendëskryeministrit për qeverisje të mirë, Aleanca për Shqiptarët ka reaguar duke e cilësuar veprimin e tij si një tradhti ndaj besimit që i ishte dhënë nga partia, bashkëpunëtorët dhe qytetarët.

Sipas tyre, Arben Fetai u afrua në politikën aktive nga kryetari Arben Taravari, i cili i besoi një rol të rëndësishëm në parti dhe në ekzekutiv, duke i hapur rrugën për të qenë pjesë e vendimmarrjes në nivel të lartë.

Reagimi i Aleancës për Shqiptarët

Një pyetje e thjeshtë, por shumë e rëndësishme qëndron sot mbi tryezën e politikës së vendit tonë: Arben Fetai është apo nuk është ende zëvendëskryeministër i Republikës së Maqedonisë së Veriut? Nëse po, pse nuk shkon në punë? Nëse nuk shkon në punë, pse nuk jep dorëheqje? Dhe pse kryeministri Mickoski nuk merr asnjë iniciativë për shkarkimin e tij?

Arben Fetai luajti një rol të rëndësishëm në këtë qeveri brenda koalicionit VLEN. Dha premtime, bëri zotime dhe siguroi njerëz se qëndronte pas tyre. Por sot ai ndodhet diku tjetër, larg vendit, larg detyrës, larg të gjithë atyre që i besuan. Kjo thotë gjithçka.

Sepse nëse shumë njerëz qëndruan pas tij, siç ai vetë e ka thënë shpesh, atëherë largimi i tij nuk është thjesht braktisje e një posti politik. Është braktisje e njerëzve. Janë premtimet e lëna në baltë, janë zotimet e harruara, janë fytyrat e atyre që e besuan, të cilët sot gjenden pikërisht aty ku Arben Fetai i akuzonte të tjerët se i çonin në baltë.

Fjalët e Arben Fetait kthehen kundër tij

Ironikisht, fjalët dhe etiketimet që përdorte ndaj miqve dhe bashkëpunëtorëve të dikurshëm si “Të Baltosur”, “Palaço”, “Mendje shitur” sot i kthehen atij, sepse ato kthehen bumerang ndaj atyre që shfrytëzojnë intetesat dhe besimin e qytetarëve si mjet për lojëra politike.

Arben Taravari është ai që e solli nga Brukseli Arben Fetain, i besoi atij, e mbështeti dhe i ofroi mundësinë të shërbente si ministër me fuqi vendimmarrëse. Siç duket, Fetai këtë besim ia ktheu me tradhti, në vend të mirënjohjes, bashkëpunimit dhe kontributit brenda partisë. Ai e preu në besë dhe i nguli thikë pas shpine me zgjedhjet e tij.

Por një fjalë thotë: Kush tradhëton, do të tradhëtohet edhe. Arben Fetai e përjetoi këtë tradhti nga njerëz që ai vetë i konsideronte të besueshëm.

Arben Taravari qëndron i palëkundur

Për dallim nga Arben Fetai, Arben Taravari nuk mbeti i braktisur. Edhe përballë tradhëtive nga brenda, ai vijon betejën e tij politike me vendosmëri. Ai qëndron në rrugën e drejtë, duke ndjekur politikën konsistente të Aleancës për Shqiptarët, gjithnjë në shërbim të interesave të shqiptarëve. Kjo qëndresë meriton vëmendje dhe respekt.

Deputeti i Aleancës për Shqiptarët, Halil Snopçe, nga foltorja e kuvendit, i dërgoi sot përshëndetje ish zëvendëskryeministrit Arben Fetait, i cili aktualisht nuk dihet se ku ndodhet — në Bangkok, Bruksel apo Dubai.

Halil Snopçe deklaroi se Fetai iu përgjigj me një përshëndetje që më shumë ngjante me një akt dorëzimi, pasi kishte mbetur politikisht i izoluar dhe i vetëm si pasojë e drejtpërdrejtë e faktit se ai vetë lejoi të përdorej për qëllime të caktuara, me afat të njëhershëm.

Ne, për dallim prej tij, nuk jemi dorëzuar dhe nuk jemi të vetëm në betejën tonë politike, e cila zhvillohet në interes të Aleancës për Shqiptarët dhe të gjithë qytetarëve në përgjithësi, theksoi Snopçe nga foltorja.

Halil Snopçe në fund të fjalës së tij shtoi se kryetari Arben Taravari duhet t’i kërkojë falje vetes për besimin dhe hapësirën që i dha një personi si Fetai, i cili e shfrytëzoi këtë besim për të dëmtuar pikërisht atë që ia kishte dhënë.

Me pak fjalë

Dorëheqja e Arben Fetait nga posti i zëvendëskryeministrit ka nxitur reagime të ashpra nga Aleanca për Shqiptarët, e cila e cilëson veprimin e tij si tradhti ndaj besimit të vendosur në të. Ndërsa Arben Taravari vazhdon të qëndrojë i palëkundur në betejën politike, duke mbrojtur interesat e shqiptarëve. Situata tregon se si lojërat politike mund të kthehen kundër atyre që i përdorin, duke lënë pas vetëm pasojat e tyre.

Personat e përmendur

• Arben Fetai - Arben Fetai
• Arben Taravari - Arben Taravari
• Halil Snopçe - Halil Snopçe

Burimi i lajmit: ina-online.net
Shënim: Ky material është përpunuar për qëllime informimi nga Portali Kosova.Today.