Ardian Krasniqi mund me nokaut venezuelianin Guarapana

Mbrëmë, më 14 nëntor 2026, në eventin e boksit “Showdown for Legacy V” në SCHARRena në Stuttgart, Ardian Krasniqi mundi venezuelianin e pamposhtur më parë Ricardo Guarapana. Krasniqi e fitoi ndeshjen bindshëm me nokaut në raundin e tretë.

“Çfarë nate! Faleminderit të gjithëve! Shtutgarti ishte në gjendje të jashtëzakonshme! Ju jeni më të mirët! Kjo fitore është për të gjithë shqiptarët! Ju jeni forca ime, zemra ime!  Për shqiponjën shkojmë deri në fund! Rruga drejt Kampionatit Botëror është e hapur”, ka shkruar Krasniqi në një postim në fb.

Ardian Krasniqi është një boksier profesionist shqiptar në Gjermani, deri më tani i pamposhtur në peshat e lehta. Ai vjen nga Rottweil-i dhe është nipi i ish-kampionit evropian të peshave të rënda dhe sfiduesit të titullit botëror, Luan Krasniqi.

Pas kësaj fitoreje, Krasniqi planifikon të udhëtojë për në SHBA me ekipin e tij në dhjetor 2026. Atje, do të zhvillohen negociata për një ndeshje kampionati botëror në vitin 2027.

Një kundërshtar i mundshëm për këtë duel është kampioni aktual i botës rus, Dmitri Bivol.

The post Ardian Krasniqi mund me nokaut venezuelianin Guarapana appeared first on Albinfo.

Burimi i lajmit: albinfo.ch
Shënim: Ky material është përpunuar për qëllime informimi nga Portali Kosova.Today.