Gjykata e Lartë cakton më 10 dhjetor seancën për Saimir Tahirin, SPAK kërkon dënimin për trafik droge

Gjykata e Lartë ka caktuar datën 10 dhjetor për shqyrtimin e çështjes gjyqësore ndaj ish-ministrit të Brendshëm, Saimir Tahiri.

Tahiri kërkon pafajësi, ndërsa Prokuroria e Posaçme, në rekursin e saj, kërkon dënimin e tij për veprat penale të trafikut të drogës dhe pjesëmarrjes në grup të strukturuar kriminal.

Ish-ministri i Brendshëm është dënuar nga Gjykata e Shkallës së Parë dhe Gjykata e Apelit vetëm për veprën penale të shpërdorimit të detyrës.

Ndërsa akuzat për trafik droge dhe grup të strukturuar kriminal nuk janë pranuar nga gjykatat e dy shkallëve.

Burimi i lajmit: ina-online.net
Shënim: Ky material është përpunuar për qëllime informimi nga Portali Kosova.Today.