Kryeministri Edi Rama për protestuesit: "Ju uroj shumë fat në të ardhmen"
Kryeministri Edi Rama iu drejtua protestuesve me një thirrje për dialog
Kryeministri i Shqipërisë, Edi Rama, ka publikuar në llogarinë e tij në Facebook një video nga protesta e të hënës para zyrës së tij, ku një grup protestuesish dëgjohen teksa e ofendojnë. Në postimin e tij, ai ka përfshirë edhe një reagim të gjërë ndaj thirrjeve të tyre për mbrojtjen e natyrës dhe projektit të Zvërnecit.
“Unë sinqerisht ju pëlqej vërtetë, sidomos ata ndër ju që votojnë për mua – ka plot aty jashtë këtij korit udhëheqës – dhe mbi të gjitha, sepse të paktën jeni më të freskët se sa mbeturinat politike që më vijnë poshtë dritares tash 13 vjet, por nëse ky është vizioni juaj për mbrojtjen e natyrës dhe për ‘Shqipërinë e Shqiptarëve’, ju uroj sinqerisht shumë fat në të ardhmen, sepse do t’ju duhet”, shkruan Edi Rama në postimin e tij.
Në vazhdim, kreu i qeverisë ka shprehur gatishmërinë për të ulet së bashku me një grup protestuesish për të bërë një konsultim publik për projektin e Zvërnecit. Ai ka theksuar se është i hapur për diskutime mbi çështje të ndryshme me interes publik.
“Deri atëherë, mua këtu më keni, gjithmonë gati për t’ju dëgjuar, nëse doni të flasim për Zvërnecin, për arrogancën, për dhunën, për mosinformimin, për transparencën, për pronat, për investimet e huaja, për natyrën, flamingot, shqiponjat, apo për çdo çështje tjetër me interes publik. Sepse robt e shtëpive tona janë interes privat dhe të tillë duhet të mbeten them unë apo jo? Po që kjo imja të mos mbetet thjesht si një ‘larje goje’ në mexhelis apo largqoftë te merret si tallje me ju, mblidhuni, jo më shumë se 20 vetë dhe bujrum, ulemi në një bashkëbisedim publik, ku të doni dhe kur të doni. Nëse doni, natyrisht. Se po nuk deshët, prapë i kemi punët tona te ndara: ju në kor me robt e shtëpisë time, unë në krye të punëve të Shqipërisë, me votën e shqiptarëve, për Shqipërinë 2030 në Bashkimin Europian”, thekson Edi Rama.
Me pak fjalë
Kryeministri Edi Rama ka reaguar ndaj protestuesve që e kanë ofenduar gjatë një demostrate para zyrës së tij. Ai ka ofruar një konsultim publik për projektin e Zvërnecit, duke u thënë protestuesve që të mblidhen në grup të vogël për një bisedë të hapur. Rama ka theksuar se është i gatshëm të diskutojë mbi çështje të ndryshme me interes publik, duke iu kundërvënë thirrjeve për mbrojtjen e natyrës.
Personat e përmendur
Burimi i lajmit: opinion.al
Shënim: Ky material është përpunuar për qëllime informimi nga Portali Kosova.Today.
