Zug kryeson në Zvicër: 11.9% e veturave janë elektrike

Kantoni i Zug-ut vazhdon të jetë lider në tranzicionin drejt mobilitetit elektrik në Zvicër, duke regjistruar përqindjen më të lartë të veturave elektrike në vend.

Sipas të dhënave të fundit, 11.9% e të gjitha veturave të regjistruara në Zug janë plotësisht elektrike, përqindja më e lartë në nivel kombëtar, transmeton albinfo.ch.

Në krahasim, mesatarja në gjithë Zvicrën është vetëm rreth 5.5%, që do të thotë se Zug ka më shumë se dyfishin e përhapjes së veturave elektrike krahasuar me pjesën tjetër të vendit.

Pas Zug-ut renditen kantone të tjera si:

Cyrihu me rreth 7%,

Lucerni me rreth 5.8%,

ndërsa nivelet më të ulëta janë në Gjenevë, Jura dhe Ticino (rreth 3.8%).

Ndërkohë, trendi është edhe më i fortë te veturat e reja: vetëm në tremujorin e parë të vitit 2026, veturat elektrike përbënin rreth 21.5% të regjistrimeve të reja, duke treguar një rritje të vazhdueshme të këtij segmenti.

Ekspertët e lidhin këtë dominim të Zug-ut me disa faktorë kyç:

fuqia e lartë blerëse e banorëve,

infrastruktura e zhvilluar për karikim,

dhe orientimi i fortë drejt teknologjisë dhe inovacionit.

The post Zug kryeson në Zvicër: 11.9% e veturave janë elektrike appeared first on Albinfo.