Paga deri në 40% më të larta për prokurorët – Saveski: “Kështu do ta ulim rrezikun e korrupsionit!”

Të punësuarit në Prokurorinë Publike të Maqedonisë së Veriut mund të përfitojnë rritje pagash deri në 40 për qind, por kjo rritje do të realizohet gradualisht, në disa faza.

Këtë e paralajmëroi kryeprokurori shtetëror, Nenad Saveski, gjatë një interviste për emisionin “Click Plus” në TV21.

Sipas tij, përmirësimi i kushteve financiare synon jo vetëm rritjen e motivimit dhe profesionalizmit të punonjësve, por edhe zvogëlimin e rrezikut nga korrupsioni brenda institucionit.

Saveski sqaroi se pagat nuk do të rriten menjëherë, por në mënyrë etapike, derisa të arrijnë deri në 40% mbi nivelin aktual.

The post Paga deri në 40% më të larta për prokurorët – Saveski: “Kështu do ta ulim rrezikun e korrupsionit!” appeared first on InfoShqip.com.

Burimi i lajmit: infoshqip.com
Shënim: Ky material është përpunuar për qëllime informimi nga Portali Kosova.Today.