Qeveria miraton Aktin Normativ për të mbuluar shpenzimet e mjekimit për Erion Vishkullin

Qeveria ka miratuar një sërë vendimesh në mbledhjen e sotme, që përfshijnë mbulimin e shpenzimeve të mjekimit për Erion Vishkullin në vlerën 5 milionë lekë. Kujtojmë që sot ministrja e Shëndetësisë, Klodiana Spahiu, ka ndarë lajmin e mirë për gjendjen shëndetësore të Erjon Vishkullit, i cili ka kaluar me sukses ndërhyrjen kirurgjikale në klinikën “Gemelli” në Romë.

Ndërhyrja ka shpëtuar organin e syrit të 28-vjeçarit.

Ndërkaq, vendimet e miratuara përfshijnë edhe miratimin e Strategjisë Sektoriale të Transportit dhe planit të veprimit deri në vitin 2030, si dhe përcaktimin e numrit të përgjithshëm të personelit të Policisë së Shtetit. Në mbledhje janë miratuar gjithashtu vendime për fushën e përgjegjësisë shtetërore të Ministrisë së Administratës Publike dhe për procedurat, kriteret dhe funksionimin e Agjencisë Shtetërore të Posaçme të Shtetësisë.

The post Qeveria miraton Aktin Normativ për të mbuluar shpenzimet e mjekimit për Erion Vishkullin appeared first on Euronews Albania.

Burimi i lajmit: euronews.al
Shënim: Ky material është përpunuar për qëllime informimi nga Portali Kosova.Today.