Shqiptarët në Serbi: Temë e harruar në fushatat zgjedhore të Kosovës
Shqiptarët në Serbi: Temë e harruar në fushatat zgjedhore të Kosovës
Ndërsa partitë politike në Kosovë garojnë me premtime për zhvillim ekonomik, investime dhe reforma, çështja e shqiptarëve në Serbi vazhdon të mbetet pothuajse jashtë debatit politik. Ata trajtohen si temë dytësore ose fare, megjithëse përballen me sfida që prekin drejtpërdrejt të drejtat e tyre jetike.
Si është e mundur që në çdo debat publik të flitet për të drejtat e serbëve në Kosovë, ndërsa rrallë ose fare nuk kërkohet reciprocitet për shqiptarët në Serbi? Si është e mundur që mijëra shqiptarëve në Medvegjë, Preshevë dhe Bujanoc u janë mohuar në praktikë të drejtat themelore, duke përfshirë edhe të drejtën e votës?
Lugina e Preshevës, Medvegjes dhe Bujanocit, e cila shpesh përmendet në fjalimet patriotike, mungon në programet konkrete qeverisëse. Kjo sipas analistëve, pasqyron një mungesë të dukshme të angazhimit të vazhdueshëm dhe të projektet zhvillimore të dedikuara për këtë rajon.
Nëse partitë politike kërkojnë besimin e qytetarëve, atëherë duhet të tregojnë se çfarë do të bëjnë konkretisht për:
- Ndalimin e diskriminimit institucional ndaj shqiptarëve në Jug të Serbisë;
- Ngritjen e çështjes së shqiptarëve në Serbi në arenat ndërkombëtare;
- Planet alternative për mjetet financiare të dedikuara për arsim, kulturë dhe zhvillim ekonomik në Jug të Serbisë;
- Sigurimin e parimit të reciprocitetit për shqiptarët në Serbi, ashtu siç është për serbët në Kosovë.
Heshtja për këtë çështje nuk është mungesë informacioni, por mungesë vullneti dhe vizioni politik. Ndërkohë, shqiptarët në Serbi vazhdojnë të përballen me sfida të rënda, duke përfshirë diskriminimin sistematik dhe mungesën e aksesit në të drejta themelore.
Me pak fjalë
Shqiptarët në Serbi, veçanërisht në rajonet e Preshevës, Medvegjes dhe Bujanocit, janë një temë e harruar në fushatat zgjedhore të Kosovës. Analistët theksojnë se mungesa e debateve të gjera dhe angazhimit konkret pasqyron një problematikë më të gjerë: mungesën e vullnetit politik për të trajtuar çështjet e shqiptarëve jashtë kufijve të Kosovës.
Personat e përmendur
Burimi i lajmit: ina-online.net
Shënim: Ky material është përpunuar për qëllime informimi nga Portali Kosova.Today.
