Tregu i Krishtlindjeve në St. Gallen largon dy atraksione tradicionale për fëmijë

Tregu i Krishtlindjeve në qytetin zviceran të St. Gallenit do të ketë një ndryshim të rëndësishëm këtë vit. Dy atraksione të njohura për fëmijë, një trenush dhe një karusel, nuk do të jenë më pjesë e këtij aktiviteti festiv, përcjell albinfo.ch.

Nga 26 nëntori, organizatorët synojnë të ndryshojnë konceptin e tregut, duke u dhënë më shumë hapësirë aktiviteteve si ndezja dhe dekorimi i qirinjve, si dhe këndimi.

Ky vendim ka ngjallur pakënaqësi te disa prej operatorëve të atraksioneve. Catrina Rodel, e cila merret me organizimin e këtyre aktiviteteve, e ka cilësuar vendimin si të trishtueshëm, duke shprehur pakënaqësinë për largimin e dy atraksioneve që kanë qenë pjesë e atmosferës festive.

Si pasojë e ndryshimit të konceptit, pajisjet e këtyre atraksioneve do të mbeten në depo dhe nuk do të përdoren gjatë këtij edicioni të tregut.

Ndërkohë, sipas planifikimeve, një tren i ri festiv pritet të prezantohet në vitin 2027. Megjithatë, blerja e figurave të reja për karuselin, që do të kushtonte rreth 60 mijë franga, është konsideruar tepër e shtrenjtë.

Ndryshimet e këtij viti shënojnë një riorganizim të ofertës festive në tregun e Krishtlindjeve në St. Gallen, me më pak atraksione mekanike dhe më shumë aktivitete të orientuara drejt fëmijëve./Albinfo.ch

The post Tregu i Krishtlindjeve në St. Gallen largon dy atraksione tradicionale për fëmijë appeared first on Albinfo.

Burimi i lajmit: albinfo.ch
Shënim: Ky material është përpunuar për qëllime informimi nga Portali Kosova.Today.