Turqia në luftë me zjarret/ Gjendje e jashtëzakonshme në dy provinca, evakuohen qindra banorë

Vatra të reja zjarri u përhapën në bregdetin mesdhetar të Turqisë, teksa qeveria e vendit shpalli dy province perëndimore zona katastrofe.

Mediat lokale thanë se shtëpitë u evakuuan në qendër të qytetit të Antalias dhe në rrethin Aksu, ndërsa zjarri përparonte drej tyre.

Zjarrfikësit u përpoqën të shuanin flakët përpara se erërat e forta të përhapnin zjarrin, i cili mbylli një rrugë kryesore bregdetare.

Më tej përgjatë bregdetit, shtëpitë në qytetin Manavgat u kërcënuan gjithashtu nga flakët.

Ministri i Brendshëm Ali Yerlikaya tha se provincat e Izmirit dhe Bilecikut ishin shpallur zona katastrofe, një hap larg nga niveli më serioz i emergjencës.

Turqia është përballur me zjarre të mëdha në pyje dhe jo vetëm që nga fundi i qershorit.

Trembëdhjetë persona kanë vdekur, përfshirë 10 zjarrfikës të vrarë të enjten në një zjarr në Eskisehir, në Turqinë perëndimore.

Temperaturat mbi normat sezonale janë përkeqësuar nga erërat e forta dhe thatësira, duke rezultuar në dhjetëra zjarre. / abcnews.al