Votimi në përfaqësi diplomatike: 10,804 qytetarë votuan deri në orën 13:00
Votimi në përfaqësi diplomatike: 10,804 qytetarë votuan deri në orën 13:00
Deri në orën 13:00 të datës së sotme, sipas të dhënave të Komisionit Qendror të Zgjedhjeve (KQZ), në 26 përfaqësi diplomatike kanë votuar 10,804 qytetarë, që përbën 38,97% nga 27,724 votues të regjistruar.
Zëdhënësi i KQZ-së, Valmir Elezi, ka sqaruar se vetëm votuesit e regjistruar në përfaqësi diplomatike kanë mundësi të votojnë sot. Kjo sepse lista votuese, e cila është dërguar në përfaqësitë diplomatike, përmban vetëm emrat e shtetasve që kanë zgjedhur këtë mënyrë votimi gjatë regjistrimit si votues jashtë Kosovës.
“Në përgjithësi, votimi do të zhvillohet në 47 vendvotime që i përkasin 17 ambasadave dhe 13 konsullatave të Republikës së Kosovës, të cilat janë të vendosura në 18 shtete të ndryshme”, ka shtuar Valmir Elezi.
Numri i përgjithshëm i shtetasve të regjistruar për të votuar në 30 përfaqësitë diplomatike të Republikës së Kosovës është 27,724 votues.
Me pak fjalë
Deri në orën 13:00, 38,97% e votuesve të regjistruar kanë votuar në 26 përfaqësi diplomatike. Votimi është i kufizuar vetëm për ata që kanë zgjedhur këtë mënyrë gjatë regjistrimit.
Personat e përmendur
Burimi i lajmit: orainfo.net
Shënim: Ky material është përpunuar për qëllime informimi nga Portali Kosova.Today.
