Nga 24 nëntori rikthehet i ftohti në Shkup, temperaturat zbresin deri në -3 gradë

Pas disa ditësh me temperatura relativisht të larta për këtë periudhë të vitit, në Shkup pritet një ndryshim i ndjeshëm i motit nga 24 nëntori.

Sipas parashikimeve meteorologjike afatgjata, temperaturat maksimale gjatë ditës pritet të lëvizin nga 5 deri në 7 gradë Celsius, ndërsa në orët e mëngjesit termometri mund të zbresë deri në -3 gradë.

Një tjetër ndryshim i motit parashikohet rreth 27 nëntorit, kur ekziston mundësia për reshje të përziera shiu dhe bore.

Parashikimet për ditët e fundit të muajit tregojnë se moti i ftohtë mund të vazhdojë, me temperatura ditore kryesisht nga 4 deri në 8 gradë Celsius.

Megjithatë, duke qenë se bëhet fjalë për një parashikim afatgjatë, këto të dhëna mund të ndryshojnë në ditët në vijim.

Burimi i lajmit: ina-online.net
Shënim: Ky material është përpunuar për qëllime informimi nga Portali Kosova.Today.