AGK: Gazetari Vullnet Krasniqi u kërcënua me vr*asje, policia t’i ofrojë mbrojtjen e duhur
Asociacioni i Gazetarëve të Kosovës është jashtëzakonisht i shqetësuar për kërcënimin me jetë që i është bërë gazetarit, Vullnet Krasniqi. Në reagimin e AGK-së thuhet se Krasniqi është kërcënuar me vrasje nga një qytetar i Luginës së Preshevës, nëpërmjet një videoje të publikuar në platformën Tik Tok. “AGK-ja, ka kontaktuar me gazetarin Krasniqi, dhe i […]
![AGK: Gazetari Vullnet Krasniqi u kërcënua me vr*asje, policia t’i ofrojë mbrojtjen e duhur](https://orainfo.net/wp-content/uploads/2024/06/656925-agk-gazetari-vullnet-krasniqi-u-kercenua-me-vrasje-policia-ti-ofroje-mbrojtjen-e-duhur.jpg)
Asociacioni i Gazetarëve të Kosovës është jashtëzakonisht i shqetësuar për kërcënimin me jetë që i është bërë gazetarit, Vullnet Krasniqi.
Në reagimin e AGK-së thuhet se Krasniqi është kërcënuar me vrasje nga një qytetar i Luginës së Preshevës, nëpërmjet një videoje të publikuar në platformën Tik Tok.
“AGK-ja, ka kontaktuar me gazetarin Krasniqi, dhe i njëjti aktualisht është duke e raportuar kërcënimin në Policinë e Kosovës”.
“Për AGK-në, një kërcënim i tillë është jashtëzakonisht shqetësues, i papranueshëm dhe i bëjmë thirrje urgjente Policisë së Kosovës që të marrë masat e duhura ta lokalizojë kërcënuesin e gazetarit Krasniqi”.
“Shqetësohemi për sigurinë fizike të Krasniqit, andaj ftojmë Policinë e Kosovës që t’i ofrojë mbrojtjen e duhur”, thuhet në reagim.